فول وتميس علي الصبح؟ يوميات صيدلي في السعوديه

[البطاوي]

الحقيقة انا كنت ناوي اكتب الحلقة االرابعة النهارده لكن قلت كفايه كدا الاسبوع دا لان الناس نفسها انسدت وانا كمان نفسي انسدت وكأني كاتب الموضوع لنفسي واو باحكي قصة ابوزيد الهلالي الناس بتقرأ وتخرج بدون تعليقات او اقتراحات او اية حاجه المهم ما علينا ونرجع لموضوعنا اللي هوا ايه حد يقوللي ..................اللي هوا ان الكفيل الصبح وعلي غير العاده زنقني في الصيدلية وانا حاطط بسم الله ماشاء الله فضلة خيرك طبق فول جره وبصلتين وواحد تميس سخن محترم جنب اللاب توب علي المكتب في الصيدلية ومعلق علي كوباية شاي محترمه وفاتح النت طبعا الكلام دا الساعة6 الصبح اوبعد 6 بشويه قال ايه صاحبك جاي ياخد فلوس اصله مسافر طب وانا مالي المهم ان صاحبك مانع اصلا حاجتين في الصيدلية الاكل والكمبيوتر وانا يعني باخد الكمبيوتر بيتاعي علي خفيف الصيدلية لو معنديش وقت .طبعا انا قلت الساعه دولتي 6 زمانه نايم في احلاها نومه زايه اللي هيجيبه دلوقت واهو جه واللي كان كان . طبعا انصعق لما شاف المنظر المفجع دا وقالي ايش اللي انت مسويه انت جالس في بوفيه ولا صيدليه فقلت له ياعم قول صباح الخير ولا حاجه وبعدين اتفضل افطر معايا دول شوية فول ماحصلوش ولا هيحصلو وعامل شاي ياسلام هتمخمخ طول النهار هو انا عملت ايه يعني نفسي هفتني علي شوية فول يعني اعمل ايه طبعا ضحك فقلته افردها علي الصبح ربنا يفتح في وشك اجلس كل ياراجل وجرب فول الغلابه هتلاقيه احسن من المضبي والكبسه والمفطح والحاجات اللي عمال تاكل فيها ليل ويا نهار طبعا انا بقر عليه جايز يحوق فيه فمد ايده واخد لقمه وقال لا دي حاجه كويسة ولكن يااحمد لا تكررها والا تبجي مشكله طبعا اخد الفلوس ومشي وانا اتصلت علي كل زمايلي ونبهتهم انه ممكن يمر عليهم وفعلا حصل والحمد لله كان كل واحد خبي اللي عنده لغاية مالازمه تمر واهي مرت بخير وربنا يستر ودمتم سالمين

[دكتور جمعه]

تميس عالصبح ياراجل اليوريك احذر منه هو كفيلك شايب ولا شاب طايش زى اللى عندى دماغه فالسحاب عايش اللحظه ياباشا كده سايب نفسه خالص

[البطاوي]

لا شاب ياعم بس مش عايش اللحظه عايش السنه الجاية ربنا مايوريك ولا يجيبلك اليوريك
ولا يشمت الاعادي فيك

[دكتور جمعه]

داشر ولا ايه؟

[eslam73]

blood suckers
12 hours work
food not allowed during duty
also drinks
no time for eat
no time for rest

in
kingdom of humanity

[منار الشمري]

والله ما شاء الله عليكم تتحسدو ع النشاط على هالصبح ..... إحنا الواحد لما يصحى الصبح نفسه براس مناخيره مش عايز يتكلم مع حد ...؟

[البطاوي]

دا مكانش علي الصبح دا كان في اخر الدوام كنت هسلم والساعه 7 لاني كنت نايت
انا لما اجي افطر افطر كبسه ولا مندي ولا حاجه

[دكتور جمعه]

ياجامد

[منار الشمري]

اهاه قول كذا من الصبح .... برضه صعبه الواحد اول ما يصحى يكون رايق صح دكتور جمعه ......؟

[دكتور جمعه]

ايام ايام ساعات يبقى المزاج عنب تلاقى الواحد مبتسم وبيظبط الزباين صح وساعات تقفل العمليه ابقى نفسى الدوام يخلص عشان مزعلش حد منى بس عموما الحمد لله ربنا بيهون

[منار الشمري]

الله يعينكم يارب يهونها عليكم دكتور جمعه ودكتور أحمد

[دكتور جمعه]

اشكرك اختى منار

[tokaa]

والاهى ياجماعة ربنا يكون فى العون بس بردة أرحم من اللى احنا شايفينة فى البلد دى لو لم أكن مصريا لوددت ان أكون ..........:noiom:بس أنا عاوزة اعرف مافيش حد يحكيلى عن يومياتة فى الكويت أصلى المفروض حاتجوز وأسافر وربنا يكرمنى وأشتغل هناك عاوزة أعرف بقى أية الاخبار:secret:على فكرة أنا مولودة وكنت عايشة فى السعودية فى النماص لآن والدتى كانت شغالة هناك هيا ووالدى ونزلنا وأستقرينا فى مصر من 10 سنوات وياريتنا مانزلنا بس حارجع واقول الحمد لله:birgits_g

[أبوعبيده]

ربنا يهون عليك ازمتك وكنا عايزين نعرف اخبار صيدليات النهدي ايه

[ANDLOS]

لو سمحتوا ضروري جدا لو حد بيشتغل في النهدي و خصوصا في محافظة ابها انا عايزاه في مسالة ضرورى ممكن الرد

[البطاوي]

يادكتور انا في الرياض ومعرفش حد في ابها ولار اشتغل في النهدي بس لو في حاجه ملحه عاوزها ممكن ترسلي رساله علي الخاص وانا اسألك زمايلنا بتوع النهدي اللي في الرياض

[أبوعبيده]

ارجو سرعة الرد انا جايلي عرض في النهدي وعملت المقابلات ولسه محتار فأنا عيز اعرف كل مميزات النهدي وعيوبه ارجووووووووووووووووووووووووووو وووووووووووووك

[البطاوي]

مش هتلاقي احسن من كدا وان فاتك النهدي اتمرغ في ترابه
شركة بكل معني الكلمة عليك واجبات وليك حقوق كفايه انك عارف مصير كل خطوة بتخطيها في شغلك لو خطات او نجحت
اتوكل علي الله وسافر الفرصه دي مش هتيجي تاني الا اذا كنت عاوز تشتغل في شركة منوب دعايةطبية والنهدي احسن من شركات دوا كتير

[drbehary]

بارك الله فيك يا د/بطاوى , ان بالفعل تم قبولى فى النهدى و مسافر هذا الشهر.
ليه سوال بسيط:هو الاب توب فى الصيدليه بيكون متصل بالنت و اذا كانت الاجابه بنعم ازاى و بيكام؟
و هل فى حد علمك مسموح بالاب توب فى النهدى ؟
طلب اخير: ارجو وضع الراوبط للثلاث فصول الاولى فى مذكراتك

[البطاوي]

ربنا يوفقك يادكتور بخصوص اللاب توب فالعمليه مش مكلفه بس 2000 ريال وتشتري واحد المشكله في النت ودا بيكلف علي الرغم من تنزيلات شركه الهاتف لانك بتشترك dsl اصل و دخلت dial up الساعة بتلاته ريال-ودي مكلفة جدا النظام الاول ارخص بس لازم يدخل معاك ناس زمايلك علشان تقلل التكلفة ومعظم الصيادلة اللي خاطبين وفي سكن واحد داخلين مشاركه تعرف ان رسوم التأسيس فقط معديه الالف ريال غير حوال 260 ريال اشتراك شهري لسرعة 512 -
اما مسموح بيه ولا لا فهو لا ان شا الله تكون صيدليه نونو لانه وبكل صراحه بيشغلك عن شغلك وبيضيع وقتك ومانصحكش به في الاول غير في البيت
اما طريقة الاتصال فهي اما سلكي عن طريق التليفون او لاسلكي اما ويرلس علي مودم زيي انا كدا او عن طريق الجوال خصوصا نوكيا n70ومافوق الجوال بيستخدم router ليك في الشهر 1 جيجا ب90 ريال وبتزيد الشريحه لو عاوز اكتر من 1جيجا ودي ممكن تستخدمه في الصيدليه
في بعض الشوارع في الرياض مثلا متغطية wireless ودي رخيصة جدا ارخص حتي من dsl
اما مسموح في النهدي ولا لا بالذات فدي معرفهاش ممكن تسأل زمايلك الموجدين معاك وان كان شفتnight بيسمحلك باستخدامك النت لانه هادي

[دكتور محمد]

ضحكتونى والله العظيم
الواحد هنا شايف هموم بالهبل وبيرجع يحمد ربنا انة مصرى
تميس بسكوت مدفون مظبى ميت محروق معفن هههههههههههههههههههههههه

[حسام الدين]

انا في النهدي ,,,,,,,,,,
لو في حد محتاج حاجه؟؟؟؟؟

[البطاوي]

ياريت يادكتور حسام تجاوب علي الاسئلهالمطروحه المتعلقه بالنهدي

[drbehary]

د/بطاوى ,شكرا جزيلا على ردك ,و اتمنى لك التوفيق و الى الامام دائما......

[حسام الدين]

ياريت يادكتور حسام تجاوب علي الاسئلهالمطروحه المتعلقه بالنهدي
يا عم انا جاهز,,,,بس ايه الاسئلة ؟؟؟؟

[drbehary]

يا عم انا جاهز,,,,بس ايه الاسئلة ؟؟؟؟
ربنا يبارك فيك يا د/حسام,انا باذن الله مسافر فى اخر الشهر فى النهدى,و كان بودى الاستفسار عن بعض النقاط:
1-سمعت من بعض الزملاء عن ان كثيرا ما يحدث عجز جرد فى بعض الصيدليات , و المبلغ يخصم بالكامل من الصيادله , فارجو توضيح هذه النقطه.
2-الدوام غريب جدا, من 6-11 ص تم من 5-1 مساء, طب ازاى الواحد يستريح, و ينام.
3- هل فعلا مرتب الصيدلى فى النهدى هو اعلى المرتبات فى المملكه بالنسبه للصيدليات مع الاخذ فى الاعتبار ساعات العمل و الاجازات.
4-هل بالفعل يتم صرف incentive اذا تم تحقيق التارخت.
ارجو مانكونش طولت عليك.
و اشكرك على سعة صدرك

[حسام الدين]

ربنا يبارك فيك يا د/حسام,انا باذن الله مسافر فى اخر الشهر فى النهدى,و كان بودى الاستفسار عن بعض النقاط:
1-سمعت من بعض الزملاء عن ان كثيرا ما يحدث عجز جرد فى بعض الصيدليات , و المبلغ يخصم بالكامل من الصيادله , فارجو توضيح هذه النقطه.
2-الدوام غريب جدا, من 6-11 ص تم من 5-1 مساء, طب ازاى الواحد يستريح, و ينام.
3- هل فعلا مرتب الصيدلى فى النهدى هو اعلى المرتبات فى المملكه بالنسبه للصيدليات مع الاخذ فى الاعتبار ساعات العمل و الاجازات.
4-هل بالفعل يتم صرف incentive اذا تم تحقيق التارخت.
ارجو مانكونش طولت عليك.
و اشكرك على سعة صدرك
1-عجز الصيدليات لا يحدث كثيرا,,,ولكن اذا حدث ...فعلا يخصم بسعر البيع كاملا علي الصيادله.
2-الدوام,,,يتم التفاهم عليه بينك انت و زميلك ,,,12 ساعه,,,من 8-11 م افرلاب بينكو في الصيدليه,,,و في الغالب 6 -3ص&8-11 م,,,,,كده 12 ساعه
و في العاده يتم التغيير مع الصلوات لتوفير الوقت,,,,,اذاي تستريح؟؟؟؟؟؟؟ مش عارف
3-المرتب فعلا هو الاعلي,,,و لكن بدون النظر لساعات العمل,,,,
4-نعم تاخذ عموله ..اذا حققت التارجت.
ولو تحب اقولك القيمه ,,,مفيش مشكله.؟؟؟؟؟؟؟؟؟
و ربنا يوفقك انشاءالله

[drbehary]

شكرا يا د/حسام ,على اجاباتك للاسئله.و اتمنى لك السعاده و التوفيق.

[أبوعبيده]

شكرا د.حسام جدا ولكن هل حد بيحقق التارجت ده وبرجاء توضيح العلاقه بين الصيدلي والمشرف ومتى يتم الاستقدام بالنسبه للمتزوجين وشكراا

[حسام الدين]

شكرا د.حسام جدا ولكن هل حد بيحقق التارجت ده وبرجاء توضيح العلاقه بين الصيدلي والمشرف ومتى يتم الاستقدام بالنسبه للمتزوجين وشكراا

شوف ياعم,,,
بالنسبه لتحقيق التارجت ,,,,يعني ناس ممكن و ناس لأ.
علي حسب الصيدليه,,,و قيمته.

العلاقه بين المشرف و الصيدلي,,,
حسب المشرف,,,
لكن قليلين منهم اللي كويسين..
لكن المعظم ..مش فاهمين حاجه في الاداره,,,و و شخصياتهم ضعيفه,,,و عايزين يحافظو علي مكانهم علي حساب اي حد...
لكن انت لازم متنساش انك ,,,راجل,,,و صيدلي,,,و سنك كبير,,,يعني لازم تفرض عليه يعاملك من المنطلق ده.
الاستقدام للزوجه,,,,اي وقت زي ماتحب,,,

[أبوعبيده]

يعني يادكتور انا مش عارف اشكرك ازاي بس هل مع استقدام زوجتي وبنتي في البدايه هيكون في توفير في نهاية السنه,مع العلم اني عندي صيدليه في مصر بتدخلي حوالي 2000 طبعا لسه هيطلع منهم المصروفات

[همام همام]

ههههه
جميلة منك يا ابو حميد