حد يساعدني

[هبة الله]

أنا كنت عارفة إني هاحتاجك خبرتكم في يوم
ورونا بقى الشطارة

مش أول سؤال أسأله هنا تكسفوني ماشي

إليكم مشكلتي

أي برنامج بنزله هنا من المنتدى غالباً بيبقى مضغوط على WinRAR صح؟
غالباً بقى أي برنامج في البتاع ده أو معظم البرامج الي بحاول انزلها من أي حته تانية
ألاقي رسالة عجيبة كده طالعة لي
هوا تقريبا المشكلة عندي أنا بس ايه الحل؟

نص الرسالة: 16 bit Widows subsystem
c:/windows/system2/autoexe.nt.
the system file is not sutiable for running MS-Dos and microsoft windows appliction
choise close to terminate the appliction

سواء بقى اخترت close أو ignore بيبقى ولا كأني عملت حاجه
مفيش أي رد فعل خااااالص

ايه الحل بقىىىىىىى؟

وأنا مستنية الحل أو أي أسئلة تساعدكم في التشخيص
وإذا مفيش أمل في العلاج بردو قولوا لي

[little_joly]

يعني يا هبة انتي مش بتعرفي تفكي الضغط ولا ايه؟

[alex_pharma]

على ما املك من معلومات ضعيفة
ان كدة النظام عندك بدأ يدخل مرحلة الانهيا ر ا عتقد انه windows 98 or win Me
حاولى تستبى نسخة تانية من برنامج winrar
و ان استمرت نفس المشكلة يبقى احسن لك تحطى ويندوز جديد
انا اسف ان الرد مش محترف قوى بس هو ده اللى أنا بعمله ف حالات زى دى

[هبة الله]

ان كدة النظام عندك بدأ يدخل مرحلة الانهيا ر ا عتقد انه windows 98 or win Me
ههههههههههههههه
أنا أول ما قريت كلمة بينهار ضحكت معرفش ليه
ربنا يستر
يعني قدامه قد ايه كده؟

بس على فكرة أنا XP
طب مفيش أي طريقة لإنقاذه إنعاش رئوي إنعاش قلبي أي حاجه يعني

لا بجد بلاش الحل بتاع الفرمته ده

[هبة الله]

شوف لي حل تاني يا د/أليكس

[هبة الله]

لا يا جيلان هوا بيتفك
والملفات بتظهر
لما اجي اسطب بقى يروح مهبل كده

على فكرة الجهاز كان متفيرس مرة
والانتي فيروس قعد يمسح ملفات كده
شكله مسح حاجه المفروض ماتتمسحش
صح؟

[little_joly]

علي فكرة انا اكتشفت ان عندي نفس الحكاية برضه...بعد ما نزلت برنامج بتاع الصيدلية ...عمل نفس ما انتي بتقولي...عشان كدة مش عارفة هي مشكلة كمبيوتر ولا البرنامج نفسه ولا ايه

[هبة الله]

مش عارفة
بس حصليت معايا كتير في برامج تانية مش من المنتدى
ايه يا جماعة
فين الناس بتوع الكمبيوتر
نخرج نسأل حد غريب يعني؟

[فراس شرورو]

الظاهر أنك تستخدمين نظام التشغيل Windows 98 أو Windows Me والنظامين يعملان بصيغة 16 بيت وليس 32 بيت .
اقترح ترفيع نظام التشغيل اللي عندك إلى Windows 2000 أو Windows XP واللي بيشتغلوا على 32 بيت .

أخوكم فراس

[هبة الله]

أيوه بس أخي الكريم
النظام أصلا Xp
يبقى الخلل فين؟

أنا كده بدأت أشك إني مش Xp لأن د/ أليكس قالي نفس الكلمة

[talaat407]

اعتقد العيب فى البرنامج نفسه اللى انت منزلاه من النت يمون فى ملف منه ناقصوطالما نفس المشكله مع نفس البرنامج مع د\ جيلان يبقى اعتقد البرنامج نفسه

[little_joly]

مش عارفة الله أعلم بس انا متأكدة اني win xp

[دكتور محمد]

أهلا دكتورة هبة
معلش انا داخل متأخر النهاردة كان عندى شغل كتير
بصى انا قرأت مشكلتك و ردود الاعضاء و من خبرتى المتواضعة تشخيصى هو:
1- حضرتك بتحاولى تشغلى برامج قديمة نسبيا تعتمد فى تشغيلها على نظام MS-DOS و حضرتك بتستخدمى نظام xp و هو لا يدعم معظم البرامج التى تعتمد على الدوس (16 بت)
و بالمناسبة MS-DOS هو اختصار Micro Soft DiskOperating System و هو أول نظام تشغيل قبل نظام الـ Windows
2 - أو حضرتك شغالة على NTFS مش FAT32 و بالتالى حاولى تشغلى البرنامج الملائم لهذا التقسيم
3 - أو حضرتك فعلا عندك ملفات مفقودة من النظام و دى مش مشكلة و متخافيش النظام مش هينهار و بطريقة بسيطة دخلى اسطوانة الويندوز فى السى دى روم و اتبعى الخطوات التالية
Start menu-----------------> run
واكتبى فيهاsfc /scannow بالظبط و الامر دة بيعمل فحص للنظام و لوفى اى ملفات ناقصة بينزلها من الاسطوانة مرة تانية.
انا شخصيا أميل الى رقم واحد . حاولى تعملى للبرنامج compatablity و أختارى انة يشتغل مع ميلنيم او 98 عن طريق انك تضغطى كلك يمين على ايقونة التشغيل للبرنامج و اختارىproperties و حددى نظام التشغيل اللى بيشتغل البرنامج معاة . لو منفعش جربى رقم 3 و على فكرة بتاخد وقت يعنى ساعة او اكتر متقلقيش.و لو كان المشكلة ان ملف ناقص (انا لا اعتقد ذللك) بعد العملية دى البرنامج هيشتغل.
هذا و الله أعلم و انا فى انتظار اللى هيحصل

[هبة الله]

شكرا د/ محمد
هاجرب وارد على حضرتك
وشكرا لكل إلي حاولوا يحلوا المشكلة دي

هارد عليكم قريب

[هبة الله]

للأسف
المشكلة ما زالت قائمة
غيرتcompatablity لدرجة إني اخترت كل مرة اختيار محدش نفع
ولما جربت بتاعة الملفات المفقودة طلب CD
وما اتغيرش أي حاجة

يمكن WinRAR مش شغال على XP
طب الناس الي هنا في المنتدى شغالة ازاي بيه
ولا حد تاني عنده نفس المشكلة غيري أنا ود/ جيلان

[هبة الله]

windows XP upgrade check found no incopatibilities or problems

[دكتور محمد]

حضرتك شغالة اى نسخة win rar (version)

[little_joly]

هبة انا ال winrar شغال عندي في كل حاجة الا البرنامج ده

[دكتور محمد]

يبقا حضرتك البرنامج نسخة قديمة زى ماقولت و يعتمد على نظام الدوس
الحل الوحيد تنزلى ميلينيوم او 98

[هبة الله]

حضرتك شغالة اى نسخة win rar (version)
نسخة 3.42
اعتقد قديمة جدا
طب بصوا
أنا هاحاول انزل نسخة تانية ونجرب

[هبة الله]

ياااااااه
النسخة دي طلعت من 2004
عنده حق ما يشغلهاش

بس يارب يقدر يشغل الجديدة

[هبة الله]

ما اشتغللللللللللتش
أنا نزلت نسخة 2.6 بيتا 4
2006
وبردو نفس الرسالة بتظهر

و الحل يا جماعة؟

[دكتور محمد]

المشكلة مش فى برنامج الضغط المشكلة فى البرنامج اللى بتشغليه

[alex_pharma]

لا يا دكتور محمد
البرنامج عندى و انا فكيت ضغطه ببرنامج win RAR 3.30 32-bit
و ما كانش فى مشاكل

[little_joly]

طب يا د.alex
مينفعش حضرتك تحاول تنزل البرنامج ده علي المنتدي بس ميكونش مضغوط...ولا هو كبير اوي؟:109:

[هبة الله]

مش مشكلتي البرنامج دلوقتي
مشكلتي كل البرامج
أعيط يعني؟
:crying:
طب ملف د/ أليكس بتاع القط الأسود فتح معايا
ليه؟
لأن مفيش تسطيب
يعني البرنامج فك الضغط
يبقى وصلنا لنقطة مهمة
المشكلة مش في البرنامج المشكلة في الجهاز

شكلها في الآخر هتطلع المشكلة فيا أنا

[alex_pharma]

مفيش مشاكل يا دكتورة جولى


انا رفعته على موقع تانى
عشان هنا ف المنتدى
بيقول
"لا بامكانك اضافة مرفقات "

حمل من هنا (http://www.uploading.com/?get =TY2POC8Q)

و يا رب يشتغل معاكم

[little_joly]

شكراااااااااااااااااااااااااا د.اليكس
جاري التنزيل وياااااااااااارب يشتغل

[هبة الله]

خلاص يا جماعة انسوا الموضوع
عشان المشكلة شكلها متأصلة فيه
وشكله مفيش أمل منه
ربنا معاه بقى

[little_joly]

لقد باءت المحاولة بالفشل
نرجو المحاولة مرة أخري

[هبة الله]

بصي يا جيلان
مش عارفة
أنا حاسة إني عايزة أشيله أرميه من الشباك
التحليلية طلعت عليا بقى خلاص وهاطلعها عليه

[دكتور محمد]

دكتورة جيلان و دكتورة هبة
تعرفوا تنزلوا ويندوز أو تيجبولنا الكمبيوتر أيهما ايسر افعلوه

[little_joly]

لأ دي الفيتو أسهل:)

[alex_pharma]

يعنى كنت فرحان ان انا عرفت افك الضغط
انا كمان البرنامج بتاع تنظيم الصيدلية مش راضى يشتغل
الظاهر هو محتاج ويندوز 98


مفيش فايدة

سعد زغلول

[هبة الله]

ايه رأيك يا جيلان
هاتي الكمبيوتر بتاعك المنصورة أسهلك

عندي بكره تحليلية
لو سمحتوا يا جماعة لو حد شافني تاني على المنتدى النهرده
يتصرف معايا
يطردني براحتكم أي حاجه يعني
دعواتكم

[دكتور محمد]

على فكرة انا عاوز اعيط
دكتورة جيلان دكتورة هبة
حــــــــــــرام عـــــليكم دخلتونى فى متاهات
أنا تقريبا عرفت المشكلة فين من الكلام الاخير بتاعكم
شيلوا برنامج الضغط اللى عندكم و نزلوا النسخة الاحدث من البرنامج دة
http://rapidshare.de/files/217 50660/Winrar_3.51.exe.html (http://rapidshare.de/files/21 750660/Winrar_3.51.exe.html)

[هبة الله]

طب امسك أعصابك بقى يا دكتور

وجمد قلبك كده
واستعد للمفاجأة















لا تغيييييييييييييييييييييييير نفس المشكلة

[دكتور محمد]

اللهم طولك يا روح
طيب ممكن اعرف البرنامج اللى عاوزة تشغلية هو ايه و فين

[هبة الله]

http://www.sayadla.com/vb/show thread.php?t=5843

[دكتور محمد]

أنا حملت البرنامج







مفاجأة













البرنامج اصلا بايظ











و لو حد شغلة يقولى



ايقونة exe بايظة

[دكتور محمد]

و كمان البرنامج شغال على 16 بت
يعنى مش هيشتغل على xp

[little_joly]

يعني المشكلة مش من عندي:109: طب الحمد لله
بس نداااااءءءءء الي أصحاب القلوب الرحيمة
اللي عنده برنامج ادارة الصيدلية ينزلهولنا علي المنتدي ويكون شغال

[هبة الله]

هييييييييييه
الحمد لله العيب ما طلعش فيا ولا في الجهاز
أحمدك يا رب

[هبة الله]

شكرا لكل الأعضاء الي أعصابهم تعبت في الموضوع ده

[alex_pharma]

انا رأيى بقى

انك تحذفيه


بعد كل المعاناة دى

[هبة الله]

خليه للذكرى يا د/ أليكس