التكليف

[elmasry_5055]

السلام عليكم وحمه الله وبركاته
من فضلكم ممكن اعرف كل حاجه عن التكليف
انا سجلت صيدلي تاني
و مش عارف التكليف فايدته ايه
و ممكن الغيه
بس قالو علشان تكتب في البطاقه صيدلي حر لازم تخلص التكليف
و السنه اللي هاخدها وانا صيدلي تاني ليها علاقه بالتكليف
و بالنسبه للسفر بره ممكن اسافر وانا ما عملتش التكليف
و لو لغيته ها يرضوا يكتبو في البطاقه صيدلي ثاني
و ممكن اشتغل في شركه من شركات الادويه وانا لسه ما خلصتش التكليف
و ايه رغبات التكليف و الاماكن اللي ممكن اكتبها كرغبات
ارجو الافاده
طولت عليكم انا اسف و اسئله كتر
بس انا فعلا محتار
شكرا
مع العلم اني صيدله خاصه

[novalgin2010]

ياريت حد يرد ويفهمنا يا جماعة دي اسئلة مهمة

[little_joly]

http://sayadla.com/vb/showthre ad.php?t=6385

مش عارفة يمكن الموضوع ده يفيد حضرتك

[islam]

العملية ساهلة يا دكتور
انت دلوقتى اجمل حاجة عملتها انك سجلت صيدلى تانى
التكليف لما تكتب رغباتك فيه حاول تخليك بعيد عن التأمين الصحى و المستشفيات يعنى كل واحدة فيها فواتير و كل غلطة بمحضر خليك فى ادارة شؤن صيدلة ده لو عايز تدخل
طبعا التقدير عله عامل لو فى منافسة على الموقع اللى انتا طالبه
ممكن تلغى يعنى لما يجيلك جواب التكليف مترحش و تستلم فى الموقع بتاعك روح ادارة شؤن الصيدلة فى شارع مجلس الشعب و قدم طلب الغاء التكليف و الناس هناك متعاونة لاقصى درجة بصراحة
و بعد سنة من معاد تسجيلك كصيدلى تانى روح و اطلب من مدرية الصحة التابع لها جواب بانك اديت فترة سنة كصيدلى تانى وخده و اطلع على مدرية شؤن صيدلة فى شارع مجلس الشعب واطلب
شهادة غير مكلف و لا يعمل بالحكومة بغرض فتح صيدلية
و كمان شهادة ملكية صيدليات بغرض فتح صيدلية
و كمان شهادة غير مكلف و لا يعمل بالحكومة بغرض تبليغ مدير
واعمل اللى انتا عوزه
بالنسبة للرقم القومى انت حتروح للنفابة و معاك و رق الرقم القومى و كمان ورق جواز السفر لو معاك الغاء التكليف حيختم و يكتبلك غير مكلف
لو لم تكلف حيكتب صيدلى تحت التكليف
المهم انك تاخده و فى السجل المدنى ممكن تكتب حاصل على بكالوريوس صيدلة او صيدلى هما مبيدققوش فى الحكاية دى بس انت قوله عايز اعمل تغيير مسمى و ظيفى واكتب فى الاستمارة بتاعتك صيدلى و همة حيعدوها او من النقاية الفرعية روح اختم و هما مش حيكتبوا التكليف بتاعك
طبعا لو دخلت الجيش مالكش تكليف بعد ما تخلص و روح الغيه مباشرة

[د\ ايمان جارحى]

بس اللى اعرفه عن موضوع الغاء التكليف لأنى بالغيه دلوقتى هو انك تلغيه من بعد ماتطلع الكارنيه على طول عشان مايحصلش مشاكل بعد كده عشان بيقولوا انك لو مااستلمتش ممكن يعملوا قضية وفيها غرامة 2000 جنية فالأفضل انك تروح الأدراة المركزية اللى فى شارع مجلس الشعب بس لازم يكون معاك صورة من الشهادة المؤقتة وصورة من البطاقة وصورة من كارنية النقابة

[elmasry_5055]

انا متشكر ليكوا جدا على الرد انا استفدت جدا و ياريت اللي عنده معلومات عن رغبات التكليف المسموحهبعد اذنكم