نُص راس

[sydalany]

نُص راس

" سهم رايح
سهم جاي
نُص راس "
.....
المعنى ف عيني صداه بيرن
ويئن.....
الكف الخير
ممدود ع الفاضي
بيلملم ف التفاسير
للحال الجاي
والماضي .
العُمر أنا لمحه ف اّخر مدد الشوف
وصوابع قدمي الخمس
تتغَسِل للتكفين
والأَوَل ..
متقدم ع الباقيين
دي صلاة الغايب
على روح الميت
مرحوم م الناس
والناس.........
ولآخر نقطة ف خيرك
حتمص ف دمك
ولغيرك
يا حتشرب وَيَا الناس
يا تموت.............
أنا فُقت..
على وش بيفتح فكري
- أو كان مفتوح –
و عنيه ..
على عكس عنين الناس..
بتشوف .......
والفكر بنات..
عريانة........
مش دا اللي دايقني
ما أنا كل ما بكتب
برميها ف وسط تراب
تنداس........
ده شاف ف حقيقتي
صورة لعصفور
كان يحلم بالأحلام
كان يوم ما يعيش
بيفكر ف الشيكولاتة وف البسكوت
كان وشه بيضحك ..
عَلَطُول...............
تستغرب..
إزاي البسمة عنيه
رغم التأليس
" يا تخين ".....
"مريلتك سودة"...
" مش عارف معنى شتيمتك
يا عبيط "...................
... طيِّب ...
.... كان ...
وفجأة الواد اتغَيَر
اختفت الغمازتين
بقى يحلم بالتحقيق
ويعيش ..
بحاجات ..
..........وزيادة.
رغم إن ف قلبه ....شيكولاتة
بقى يشرب عَرَقه بملح..مزاج
بقى كل كلامه ف طرف لسانه بلون
تفهمها ما تفهمهاش..
دا يهمَك(؟؟؟؟!!!!!).
......... مايهموش.
والوش قصاد الواد اتغم
بصِلي قرفان..
رديتلُه البصة بقتل..
بصِلي بالموت..
بَصِيتلُه حياة..
ومرايتي احتارت
وحتعمل أيه!!؟؟!!
.. حَترُد عليا
....عليه؟!!!
... إنكَسَرِت ...
.. سهم رايح ..
.. سهم جاي ..
..قلبي بيتفتت..
... اتِجَاهين ...
يتبقى لآخر نقطة دم
...........................
... نُص راس ........
...........................
...........................
محمود سامي
10-2-2004

[little_joly]

ولآخر نقطة ف خيرك
حتمص ف دمك
ولغيرك
يا حتشرب وَيَا الناس
يا تموت.............
حلو جدا يا دكتور محمود وان كانت في حاجات بسيطة مش فاهماها بس المعني الاجمالي وصل :)

[sydalany]

يااااااااه
أنا كنت نسيت أساسا إني نزلت القصيدة دي على المنتدى

شكرا على الرد
تحياتي...و إن كنت أنتظر نقدا أقوى

[هبة الله]

ممكن اقول حاجه بس محدش يزعل مني

انا ما فهمتش حاجه؟
هل هيا صعبة اوي كده؟
ولا انا الي دور البرد مأثر عليا؟

لو الاحتمال التاني يبقى هارجع اقراها تاني كمان يومين كده

[dina mohamed]

سبحان الله لو التعليق اللى قبليا مكنش موجود
كنت كتبت نفس الكلام بالضبط حتى دور البرد

دكتور متزعلش انا مش بافهم الشعر العمودى ده خالص
ياريت تنزلنا توضيح بسيط

[little_joly]

يااااااااه
أنا كنت نسيت أساسا إني نزلت القصيدة دي على المنتدى

شكرا على الرد
تحياتي...و إن كنت أنتظر نقدا أقوى
ان شاء الله افوق بس من هلوسة الامتحانات وارجع برد ونقد أقوي
تحياتي :blushing:

[sydalany]

أنا أعتذر عن وجع الدماغ اللي سببته القصيدة خصوصا إن نصكم لسة طالع من إمتحانات و النص التاني عنده برد
جيلان الله يجازيها -خيرا طبعا- هي اللي قلبت القديم
و أنا رأيي في القصيدة -و قد كاد يمر عليها 3 سنين- إنها مغرقة في الرمزية بلا أي إحتراف في الوصل بين الصور فلا يفهم كل معانيها إلا كاتبها و هذا يعد في رأيي الخاص عيبا و ليس ميزة كما يعتقد البعض
لكن بما إن النص موجود , و من كتبه موجود ....و أنتم هنا ...فلا أرى بدا من نقدكم و تحليلكم للنص "على قدر ما وصلكم منه " لأن الشاعر هنا كان من السذاجة الشعرية أن إستعرض قدرته في التصوير حتى رسم الصورة فوق الصورة فوق الصورة حتى أمتلأت الصفحة بمزيج هلامي من الصور لا يقدر على فكه إلا الشاعر نفسه أو ذوي الخبرة الواسعة في تذوق الشعر .

في إنتظار تقطيع النص
محمود

[spatula]

حاولت أفهم
بس مافهمتش
وعندي فضول أعرف هوا فيه ايه ؟

[Bright Light]

حلو جدا يا دكتور محمود وان كانت في حاجات بسيطة مش فاهماها بس المعني الاجمالي وصل :)

ياريت ياد- جيلان تقوليلنا المعني اللي انتي فهمتيه اصلي انا مش فاهمه اي حاجه
علي فكره انا قريته كذا مره وحاولت بس مفيش فايده
وفي ا تنظار التقطيع يا د-sydalany

[polaris]

peace on u
اوافقك الرأى فى
لأن الشاعر هنا كان من السذاجة الشعرية أن إستعرض قدرته في التصوير حتى رسم الصورة فوق الصورة فوق الصورة حتى أمتلأت الصفحة بمزيج هلامي من الصور
وفى انتظار التوضيح او التفسير

[شروق وغروب]

اخى الكريم

sydalany


قرأتها واخذنى الفكر فيها ولم تكن حيرتى كبيره

فقد اراد شاعرنا كاتب هذه المتناقضات ان يصور لنا احداث متتاليه تأ خذنا من حال

الى حال أكثر دهشه وغرابه

فهو فى اصل حواره ناقض يرى الحال بنصف الصوره

وعليك ان تكمل انت الباقى لها لتكتمل امامك بوضوح المعنى اللغوى المقصود من

سخريه حال ما يصفه

بالفعل هى عميقه المعنى ولكن علينا ان نقرأها أكثر من مره لنصل الى محتواها


دمت ودامت كلماتك تحتار فيها العقول

[القاهرى]

الحمد لله على رجوعك بالسلامة يا د. صيدلانى ،،


.. فينك ياراجل ،،، دا انت مشرف المنتدى؟؟؟


...عموما ،، الشعر السابق لم يعجبنى ( بصراحة ) لكن المهم انك رجعت لنا بالسلامة .

[sydalany]

أنا ما رجعتش أوي :noiom:
لسة وخداني الدوامة:crying:
بس مش عارف ليه حد قلب في القديم:der:
على العموم آخر نص حطيته هنا كان من سنة أو أكتر :lazy3:
حتى ردي على الناس كان من حوالي 8 شهور
:148:

[zorooo]

اللى انا فهمته من القصيدة ان فيه حدبيتريق علي شخص..وان واحد كان بيحلم بحياة وردية ولقى العكس