إعـــــــلان

تقليص
لا يوجد إعلان حتى الآن.

مواقف طريفة في الصيدلية

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مواقف طريفة في الصيدلية

    الموضوع ده يا جماعة مفتوح لجميع الزملاء عشان يحكوا موقف طريف حصل في الصيدلية

    و انا حبدأ بنفسي

    صيدلية نظيفة جدا الدكتور (اللي هو انا) قاعد في التكييف و بيدعي ( إبعت يا رب)

    جاءت سيدة في اواسط العمر ترتدي ملابس رثة

    - الله يبارك فيك يا دكتور عايز اجيب أكل لعيالي إديلي حسنة

    - الله يسهلك يا ستي

    - طيب فيه فير اند لفلي

    -(مندهشا) و بتسألي ليه؟؟

    -أبدا اصل إيديا مقشفة متخافش حدفع تمنه

    - اتفضلي

    -(دفعت) ألف شكر السلام عليكم

    -(مغتاظا) و عليكم السلام و رحمة الله
    منذ أن ولدت و أنت تفخر بالإسلام فمتى يفخر الإسلام بك


    {َرَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَاماً}

  • #2
    رد على: مواقف طريفة في الصيدلية

    موقف تاني بس طريف و يعصب في نفس الوقت

    حدث في صيدلية في اسكندرية

    حرامي ذكي جدا

    يخش يطلب منك Plavix (clopidogril for platlet aggregatin) ب 340 جنيه و Nolvadex (Tamoxifen) أرخص كتير جدا و Motilium

    المهم كان طبعا Motilium ناقص

    و متعرفش يا اخويا الحرامي صيدلي و لا إيه عارف أنه ناقص

    تروح أنت تجيب ال Motilium من جوه (مهو ناقص طبعا و الصيادلة بيخبوه)

    و ده اللي عملوا الصيدلي صاحبنا

    طلع ال Plavix و ال Nolvadex و دخل يجيب ال Motilium

    الحرامي خدهم و جرى؟؟؟

    لأ

    هو أذكى من كده مهم ممكن يجيبوه في الشارع و يدوه علقة مخدهاش حرامي جزم في جامع

    طب عمل ايه؟

    خد ال Plavix و حطه مكان ال Nolvadex و العكس

    و بعدين لما الصيدلي جه يحاسبه قاله الحرامي إن ال Plavix غالي و معهوش فلوس

    و خد ال Nolvadex (اللي جواه Plavix) و ال Motilium و حاسب عليهم و خلع

    و عمنا الصيدلي الغلبان مكشفهاش إلا لما جه يبيع Plavix و لقى جواه Nolvadex

    و هرب الحرامي بعملته

    و توتة توتة فرغت الحدوتة
    منذ أن ولدت و أنت تفخر بالإسلام فمتى يفخر الإسلام بك


    {َرَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَاماً}

    تعليق


    • #3
      رد على: مواقف طريفة في الصيدلية

      يا سلام !!!!!!!!!!!!!
      لا اله الا انت سبحانك انى كنت من الظالمين

      تعليق


      • #4
        رد على: مواقف طريفة في الصيدلية

        هو إيه اللي يا سلام مش فاهم يا أحمد يا اخويا!
        منذ أن ولدت و أنت تفخر بالإسلام فمتى يفخر الإسلام بك


        {َرَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَاماً}

        تعليق


        • #5
          رد على: مواقف طريفة في الصيدلية

          خد ال Plavix و حطه مكان ال Nolvadex و العكس
          يااااااه , ايه الذكاء ده كله

          =========================

          ده موقف حصل لواحد صاحبي

          دخل عليه واحد الصيدلية وقال له : عايز القطرة اللي بتاخدها مراتي

          صاحبي : اسمها ايه ؟؟

          الراجل : فتحية
          عودة

          تعليق


          • #6
            رد على: مواقف طريفة في الصيدلية

            حلوه اوي الموقف بتاع فتحيه د ههههههههههههههه بجد حلوه

            تعليق


            • #7
              رد على: مواقف طريفة في الصيدلية

              الموضوع ظريف لكن ارجو عدم ادخال مشتغل الشباب الاول المدعو عمرو خالد د لحول موسم الحج وقناه اقرا لحاجه ملاكي بومواضيع اشتغاله وسلمولي علي نعناع الجنينه عفوا نعنع المدينه الهم انقز الامه من امتال عمرو خالد د

              تعليق


              • #8
                رد على: مواقف طريفة في الصيدلية

                اللهم اهد عمرو خالد إلى الصواب ووفقه إلى ما تحبه و ترضاه و تب عليه يا تواب يا رحيم

                أخي الحبيب أحمد نبيل جزاكم الله خيرا و لكن أرجو عدم الخروج عن الموضوع "مواقف طريفة في الصيدلية" و بالنسبة للأستاذ عمرو خالد -عفا الله عنه- ففي المنتدى الإسلامي موضوعين عنه و يمكن لك إبداء رأيك فيه من خلالهما و أوصيك اخي بإلتزام النقد الموضوعي الهادف دون تجريح في الاشخاص

                تقبل تحياتي و إحترامي
                أخوك محمد زيتون
                التعديل الأخير تم بواسطة عبيد الله; الساعة 17-01-2006, 05:41 AM. سبب آخر: إضافة
                منذ أن ولدت و أنت تفخر بالإسلام فمتى يفخر الإسلام بك


                {َرَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَاماً}

                تعليق


                • #9
                  رد على: مواقف طريفة في الصيدلية

                  أرجو من الزملاء المشاركة حتى نضحك سويا

                  أنواع غريبة من المرضى
                  (1)
                  - مريضة :عايزة مرهم الحروق اللي لونه أحمر
                  -أنا: علبته حمرا يا فندم؟
                  - مريضة: لأ لونه احمر من جوه
                  -أنا: (مش عارف أرد أقول إيه طبعا)
                  -مريضة (وقد لاحظت حيرتي) - بقرف - إزاي متعرفوش؟؟؟!!!! ده مشهور جدا!!!!!
                  أنا: يا ستي و أنا حخش جواه
                  -مريضة (تغادر الصيدلية) صيادلة مبيفهموش حاجة!

                  (2)
                  - عايز ترمومتر يا دكتور
                  -اتفضل
                  -هو ماله متني كده؟
                  -أبدا ده مستودع الزئبق عشان يتجمع فيه
                  -لأ أنا اللي كان عندي مفهوش كده أكيد ده مضروب هو ده تصنيع ايه؟
                  - الصين
                  - الله يخرب بيوتهم ملوا السوق زبالة طيب ممكن أجربه؟
                  و لم ينتظر المريض رأيي حطه في بقه و لما اتاكد إنه (شغال!!!) فاصل في تمنه و بعدين خده
                  التعديل الأخير تم بواسطة عبيد الله; الساعة 23-01-2006, 04:36 AM.
                  منذ أن ولدت و أنت تفخر بالإسلام فمتى يفخر الإسلام بك


                  {َرَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَاماً}

                  تعليق


                  • #10
                    رد على: مواقف طريفة في الصيدلية

                    شوف بقى يا زيتون باشا الموقف دا.......راجل تعبان اوى لسة طالع من المستشفى اللى ورانا .,,,, و طبعا الدكتور بتاع المستشفى كتبلو دواء........بس فى مشكلة....الراجل دا تابع لاحد الشركات الخاصة و المفروض ان صيدليتنا بتتعامل مع هذة الشركة.........المهم الراجل دا جة يقولى لو سمحت يا دكتور انتو بتتعاملو مع شركة كذا..قلتلو ايوة يا حاج...قالى طب ممكن تجيبلى الدواء دة...ابتسمت و قلتلو بس كدة...انت تؤمر......بصيت فى الروشتة لقيتها مش مختومة قلتلو معلش يا حاج ترجع تخملى الروشتة من المستشفى تانى عشان الشركة بتاعتكو قايلة الختم اهم حاجة......المهم الراجا كان شكلو من اللى بيتنرفز بسرعة......وشو احمر و قام قايللى يعنى اية.......رديت علية بجرأة يعنى تروح تختملى الروشتة من المستشفى و تيجى تانى اكون جهزت لك الدواء.......كل دة و انا ناسى ابص فى الروشتة اشوف الدواء دا يطلع اية المهم الراجل شد الروشتة و مشى .......راح ختمها و جة عرقان و مضايق و بيقولى اتفضل يا سيدى ادى الختم........بصيت فى الروشتة و كانت الصاعقة.............الدوا مش موجود عندنا.......يعنى الراجل حيهد الدنيا ...وانا واقف لوحدى فى الصيدلية.........يعنى فى حرب حتحصل........بس للاسف انا من النوع اللى مبيخفش......قلتلو معلش يا حج.....الدواء مش موجود..........لقيتو فى ساعتها بيقولى نعم يا روح امك..............الدواء مش موجود؟؟؟؟؟ امت انا اول ما سمعتو بيقول كدة...قلتلو معلش يا حج ......متزعلش بس مال امى بالموضوع....خليها فى البيت مالناش دعوة بيها......قاللى دا انت امك كذا و كذا...........كنت لابس حزام قمت قالع الحزام و محستش بنفسى الا وانا بسحبو برة الصيدلية و بضربو بالحزام و اقول حرامى.........وزى ما تقول الناس مصدقت اتجمعت و بتاع...بينى و بينك الراجل صاعب عليا ......بس هو اللى بدأ .......حد قاللو يتنرفز..لو كان استنى شوية عليا كنت اتصرفت و جيبتلو الدوا من اى مكان بس هو اللى شتم ,,,,,, يستاهل اللى جرالو.....مع العلم مش كل الامور تتحل بالعنف..........خالد.......... ............تبقى تقرا قصتى الجزء التالت ....خالد
                    التعديل الأخير تم بواسطة khaled kamal; الساعة 23-01-2006, 11:10 AM.

                    تعليق


                    • #11
                      رد على: مواقف طريفة في الصيدلية

                      و عندك موقف جامد اوى............فى بداية الترم الاول....طلب منى دكتور الصيدلية اجى اقف معاة شوية عشان احتمال يروح مشوار.....المهم رحت وقفت فى الصيدلية......و شوية و سابنى و مشى و قاللى تبقى تقفل الصيدلية يا خلود......قلتلو ماشى يا دكتور........كانت الساعة لسة 10......بس خلاص الدراسة دخلت فصعب تلاقى حد ماشى فى الشارع بعد 12 المهم قعدت العب بالموبيل شوية و لقيت شابين شكلهم و حش بس مش كبار فى السن اوى........داخلين عليا فى الصيدلية الاول بيقولى ونبى يا كابتن صحبى سخن و عايز حقنة........بينى و بينك انا كنت مقلق فالعيال شكلها صيع......المهم ضحكت و قلتلو خش يا صحبى اديك حقنة.....المهم واحد دخل معايا المعمل و التانى فضل واقف برة ......دخلت و انا قلبى بيقولى الواد اللى برة دة حيعمل حاجة بس مش عارف اية....الولد اللى جوة قعد يتكلم معايا و يشغلنى و بتاع وانا فى نفس الوقت كنت باصص على الواد اللى برة من غير ما يشوفنى لقيتو بيتسحب ناحية درج الفلوس..........هنا حسيت بالخطر........منا لو زعقت الولدين حيتلمو عليا و الكترة تغلب الشجاعة.......فكرت شوية و لقيت الحل فى 4 ثوانى.......قمت طالب تليفون الصيدلية من موبايلى...كل دا و الواد الاولانى واقف قدامى من غير ما يحس........اول ما التليفون رن......كان الأول اللى معايا جوة منزل البنطلون فميقضرش يطلع,, و التانى دخل جوة ناحية درج الفلوس......قمت انا قايل للولد بتاع الحقنة ثانية بعد اذنك و رحت على درج المكتب بتاع الفلوس و لقيت الولد التانى مفيش بينو و بين الدرج شبرين قمت رادد على التليفون.......وتصنعت الحوار التالى.....الو.....ايوة يا دكتور.....سيادتك على اول الشارع و معالك تلاتة صحابك.....ماشى يا دكتور مش حقفل و حستناك انا دلوقتى معايا شابين تعالا بسرعة عشان واحد سخن اوى و عايز رأى حضرتك,.....ماشى يا دكتور سلام.......وقمت باصص للولد اللى جنب المكتب خلاص اهو الدكتور جايلكو...قاللى لاة خلاص مرة تانية...قمت انا مصدقت..قلتلو تعلالى بكرة يكون الدكتور معايا ....كان التانى لبس و طلع برة المعمل,,, قام الاتنين بصين لبعض و قامو ماشيين ...طبعا قمت انا قاعد على الكرسى مش مصدق نفسى.......عدت على خير...قمت قافل الصيدلية و مروح صليت ركعتين شكر و نمت........و من هنا اتوجة الى كل زميل و زميلة......الصيدلة مش بس علم........بس الصيدلة هى فن ......فن التعامل مع الناس .. و التعامل مع المواقف الصعبة.....فممكن تبقى صيدلى شاطر بس مفيش حد بييجى يشترى منك عشان انت مش ظريف........ارجو من كل من يقرأ هذا الموضوع يرسل لى رأية .على القصة و التى اعكف على كتابتها...قصتى الجزء الاول و التانىو التالت...ارجو التشجيع للاستمرار..................... .خالد........شاب مناضل.....
                      التعديل الأخير تم بواسطة khaled kamal; الساعة 23-01-2006, 12:37 PM.

                      تعليق


                      • #12
                        رد على: مواقف طريفة في الصيدلية

                        اللى أعجب من العجب ----دخل عليه واحد وقاللى انا عاوز علبة الدوا بتاع السكر###فرديت عليه تلقائيا: اسمها ايه؟ ***قاللى مش عارف بس هيه زى اللى عندى فى البيت ؟!!!!!!!!!!!!!!! والنبى لو فيه حد مكانى يرد عليه يقوله إيه؟؟




                        تعليق


                        • #13
                          رد على: مواقف طريفة في الصيدلية

                          خد عندك ياعم الموقف الجامد ده
                          مرة واحد دخل الصيدلية اللى كنت قاعد فيها مع واحد صاحبى وقال
                          السلام عليكم يا دكتور ؟
                          رد صاحبى وقال وعليكم السلام اامر يا حاج
                          والنبى يا دكتور عايز البوس اللى انا باخده ؟
                          بتاع ايه يا حاج ؟
                          بتاع الكحة والسخونية البنى ده
                          الاتنين مع بعض يا حاج ؟ وقال الدكتور فى سره مهو معظم البوس بنى
                          ايوة يا دكتور
                          طيب بكام يا حاج ؟
                          مش عارف يا دكتور بس العلبة بتاعته كمان بنى
                          طبعا صاحبى محتار وراح يجيبله كذا صنف يوريهومله علشان يطلع واحد منهم اللى هوا عايزه
                          جى صاحبى وورا الحاج العلب اللى جابها ولكن الحاج ماعجبتهوش اى حاجة
                          طبعا صاحبى محتار وفى نفس الوقت زهق
                          وفجاة كده وصاحبى بيبصلى ومن الواضح انه كان فاضله شوية ويضرب الحاج ده كان الحاج بص وراه وكان وراه الفيتامينات فمد ايده وجاب علبة فيتامينات معروفه وقال لصاحبى هوه ده يا دكتور
                          نزلت على صاحبى صاعقة لما لقى الحاج ماسك فى ايده علبة هيماتون كبسولات اللى كبسولاتها بنى وعلبتها بنى زى ما قال الحاج ( طبعا انا كنت نايم فى الارض من كتر الضحك على الموقف )
                          طبعا صاحبى حاول يقنع الحاج ان ده مش لبوس بس انت بتكلم فى مين
                          فى الاخر اخد الحاج علبة الهيماتون ومشى
                          وبعد كده جه صاحبة يشيلنى من على الارض من كتر الضحك
                          التعديل الأخير تم بواسطة dr_redox; الساعة 03-02-2006, 11:32 AM.
                          [frame="13 70"]Dr.Mohamed Habib[/frame]

                          تعليق


                          • #14
                            رد على: مواقف طريفة في الصيدلية

                            جزاكم الله خيرا...بجد المواقف كلها حلوه....استمروا

                            تعليق


                            • #15
                              رد على: مواقف طريفة في الصيدلية



                              ربنا معاكم
                              التعديل الأخير تم بواسطة DJ talis; الساعة 05-02-2006, 04:35 PM.

                              تعليق

                              يعمل...
                              X