إعـــــــلان

تقليص
لا يوجد إعلان حتى الآن.

تعالوا نتعلم ازاي نفسر نتايج التحليل باحتراف !!!

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تعالوا نتعلم ازاي نفسر نتايج التحليل باحتراف !!!





    أنا طلباتي منكم بسيطة .. عاوزين Team work.. عاوزين ورشة عمل .. عاوزين كلنا نشتغل سوا ونتعلم مع بعض!!

    عاوزين يا دكاترة شغل من نااار .. عاوزين حماس غير عادي !!


    حنعرف مع بعض .. إزاي أفسر نتيجة التحليل؟ .. طيب وليه الدكتور طلبها؟ .. وهل نتيجة التحليل ماشية مع الــ Clinical manifestation بتاعة المريض؟ .. وإزاي أربط نتايج التحليل مع بعضها؟ ..مع شرح امتى كل معامل Factor بيزيد وامتى وبيقل؟ وبيعتمد على إيه بشيء من التفصيل؟ ..

    وإيه التحاليل اللي عاوزه صيام وايه اللي مش عاوزه؟ وهل فيه أدويه معينه بتأثر على نتيجة التحليل؟ حــ نشوف تقارير معملية وناقشها سوي !

    + في تحاليل الفيروسات .. خاصة سي .. طيب وايه سر انتشاره في مصر ؟ .. والإحصائيات ؟ وايه آخر علاج له؟ .. طيب فيه تطعيمات له ؟ وايه نظامها؟ .. طيب ازاي اقرا نتيجة التحليل ده بالذات ؟.. وايه علاقته بتحليل البلهارسيا؟


    .. وايه حقيقة زرع الكبد؟ .. واشمعنى في الصين؟ وليه مصر لأ؟ .. طيب ايه أنواع الفيروسات الكبدية؟ .. وازاي بتتنقل؟

    + في تحاليل وظايف الكبد والكلى والدهون والبول والبراز .. باسلوب جديد .. وح نتعلم بتعونا ان شاء الله كما اتمنى انه يكون مفيد – نتعلم ..ازاي تشخص نوع الصفرا من تحليل البول !!

    + مش ح نسى تحاليل الهرمونات والــ Tumor markers !!



    .. ومش بعيد تسيب الصيدلية اللي واقف فيها وتشتغل في معمل تحاليل !!

    + طيب وايه هيه تحاليل الحوامل؟ .. وايه الفرق بين تحليله بالدم وبين تحليله البول ؟.. وايه هي تحاليل الستورش ؟ طيب وتحاليل الـ V.D.R.L ? وبعدين هو فيه تحاليل للقلب؟ .. طيب انهو الادق انزيمات القلب ولا ال ECG ؟.. وايه هو تحليل الـ Myoglobin .. وليه الدكتور بيطلب تحليل الــ Troponin T؟ .. طيب أنا سمعت عن تحليل الكرياتينين كليرانس .. ايه بقى تحليل اليوريا كليرنس ..؟


    + سمعت عن تحليل المعدة؟ .. ولا عن تحليل اللوز ؟ .. طيب سمعت عن تحاليل هشاشة العظام؟ .. والجديد بأه .. تعرف ايه عن تحليل الشعر؟ ...


    + .. طيب ممكن تفسر لي تحليل صورة الدم؟ .. . طيب ايه هي تحاليل الإيدز؟


    +ازاي توجه المريض لو قال لك : انزيمات الكبد عندي عالية ؟ .. اعمل ايه؟ .. ساعات بحس في نغزة مكان القلب / الكبد ؟ .. يبقى عندي ايه؟ .. ساعات بحس بخشونة في ركبتي .. وخصوصا كعب رجلي .. هو فيروس سي له علاج؟ .. عاوزين فكرة عن اختبار الفيدال ؟ .. وايه لزوم عد الكرات البيضا؟
    .. سمعت عن حمى مالطة؟ .. أمال ايه هي الحمى الوردية؟ ..



    كل ذلك .. فقط -بتعاونا مع بعض وبخبرتنا !!

    + عاوزين حل في تحليل الــ Viral profile ؟ .. هو حقه الحبة الصفرا علاج لفيروس سي؟ .. أمال ايه نظام الإنترفيرون؟ .. طيب ايه الإجراء لو وصل المريض للــ cirrhosis .. شفت أشعة تلفزيونية ع الكبد قبل كده ؟ .. طيب سمعت عن تحليل الــ Homocystiene ؟ .. سمعنا عن البلهارسيا بالدم .. حد سمع عن الـــــ Schisto-fast ؟

    + ازاي تعمل Compatibility للتحليل .. ايوه صح يعني Matching ....

    هل نتيجة التحليل دي ماشية مع بعضها؟ وازاي اعرف لو كان دكتور التحاليل ده بيطبخ النتايج ؟ ولا بيجيبها بالبركة ؟ ولا عنده ضمير وبيشتغل بايده ومش بيطسطأ النتايج ؟ وامتى اشك في النتيجة واقول انها غلط أو مش مستريح لها ؟ ولازم تعيد التحاليل..!!

    مش كده وبس عوزين نتكلم – عن تحاليل المناعة .. وازاي اعمل تقييم للجهاز المناعي الطبيعي أو الخلوي أو الإفرازي؟ .. وايه هو تحليل الإنترلوكينات؟ .. طيب حد سمع عن لــ P53 ؟

    .. طيب ازاي نقيس مستوى الأمينوجلوبيولينات بالسيروم .. لحظة .. هو ايه الفرق بين السيروم والبلازما؟

    + وايه هيه تحاليل المقبلين ع الزواج للراجل وزوجته؟ ..وايه هو الاختبار البعدي الــــ Post-coital test ؟ طيب يعني ايه تحليل الخريطة الكروموزومية Gene mappin .. طيب كلمني عن تحليل الـــ immunophenotyping ? وطبعا ح نتكلم شوية في الــOncology .. وحــــ نتكلم في احدث تقنيات التحاليل المستخدمة .. متقوليش عن الــ P.C.R .. طيب حد سمع عن تقنية
    الــــ Flow cytometry.. ؟

    سمعت عن تحليل الفيبروتست؟ .. طيب بيتعمل ليه؟ .. امال ايه هو الاكتوتست؟ ..

    + المزارع البكتيريولوجية .. وطبعا هذا الموضوع مهم جدا بالنسبة لينا .. وازاي اقرا تحليل المزارع ؟ .. وامتى الدكتور بيطلبها؟ .. وايه انواعها؟ ..

    + الدم وأمراضه..!! حـــ نتكلم في البروتوكول العالمي وقواعد نقل الدم .. وايه اشهر امراض الدم في مصر؟ .. طيب وايه سببها ؟ .. يعني ايــــهSickel cell anaemia ؟

    وايه سبب انيميا الفول ..؟ .. ازاي افسر تقرير دم – بتمكن ..

    وابقى صيدلي شاطر؟


    + .. وهل فعلا بينتقل من الأم ولا الأب؟ .. طيب ايه انواعه ؟ .. وهل فعلا هو وراثي ؟


    طيب حد سمع عن منحنى السكر بالدم ؟ أو حد سمع عن تحليل الهيموجلوبين المجلكز؟ .. وايه هو تحليل السي بيبتيد؟

    ** جديد :

    هو فيه فرق في نتيجة قراءة التحليل لما نحلل للمريض السكر في الصيدلية وفرق لما يحلله في المعمل؟؟ .. طيب ازاي اشخص السكر باحتراف ؟؟


    أرجوك .. حاول تتعلم وتدور وتتناقش .. عايزين حماس .. عايزين تواصل ..

    تعاطفك لوحدة مش كفاية !!



    اشرح باختصار + مثال للتوضيح + مناقشة حالة أو اكثر للتدريب

    دمتم في رعاية الله وامنه ..
    التعديل الأخير تم بواسطة راجية رضى الله; الساعة 17-02-2008, 05:20 PM.

  • #2
    رد: تعالوا نتعلم ازاي نفسر نتايج التحليل باحتراف !!!

    وانا كمان
    أيوة أنا كمان عايز أعرف الحاجات دى كلها
    أنا لسة مبتدئ فى مجال التحاليل
    وشكراً ليك أختى على الموضوع وأعتقد إنه هيفيد ناس كتير

    تعليق


    • #3
      رد: تعالوا نتعلم ازاي نفسر نتايج التحليل باحتراف !!!

      ماشاء الله عليكى حبيبتى
      ربنا يبارك لنا فيك
      اول ما انتظم فى المنتدى وانت عارفة الظروف طبعا لازم اتفاعل ومش بالتعاطف بس ان شاء الله
      لان بجد دة موضوع مهم جدا
      احبك فى الله




      تفضل هنا



      تعليق


      • #4
        رد: تعالوا نتعلم ازاي نفسر نتايج التحليل باحتراف !!!

        موضوع رائع جدا ومفيد جدا جدا
        وانا ناويه أتعلم كل جديد معاكى يا أم تقى يا حبيبه قلبى
        شوفى هتبدأوا بأنهى موضوع وأنا هبحث معاكو وهتعلم
        ومشوار الميل بيبدأ بخطوه.. ربنا يوفقنا
        جزاكى الله خيرا على المواضيع المفيده دى
        ربنا يجزيكى كل خير ويعطيك ولا يحرمك أبدا يا أم على
        دمتى حبيبتى فى رضا وسعـــــاده

        تعليق


        • #5
          Re: تعالوا نتعلم ازاي نفسر نتايج التحليل باحتراف !!!

          الله .. الموضوع ده حلو أوى يا دكتورة حياة على طاعة بجد .....
          ماشاء الله عليكِ !!!
          انا مافهمتش برضة ايه اللى حيحصل بالظبط
          يعنى مثلاً نبتدى بال Blood Analysis كل الاختبارات و النتائج بتاعته و بعد كدة ال urine و هكذا ؟؟؟


          I choose to live my dream today

          تعليق


          • #6
            رد: تعالوا نتعلم ازاي نفسر نتايج التحليل باحتراف !!!

            ما شاء الله عليكى و على افكارك الهايله يا د/حياة....إن شاء الله الكل يشارك و يفيد و يستفيد....
            بس قبل ما نبدأ عايزين ننظم طريقة البحث ,عشان مش كل واحد يبقى ماشى فى سكة لوحده و عشان يكون الموضوع منظم و نستفيد بأكبر قدر ممكن.
            يعنى ممكن مثلا حضرتك تحدديلنا موضوع معين من المواضيع اللى ذكرتيها و ناخد فرصه كام يوم كده و كل واحد يجيب المعلومات اللى يقدر عليها,طبعا المعلومات اللى هنجيبها ممكن تتشابه و ممكن يكون فى حد مزود نقط تانيه مفيده,فبعد ما الكل يعرض اللى توصله,حد مننا يتطوع و ياخد المعلومات كلها و يكتبها بنظام و يجمع كل الأجزاء اللى اتذكرت عشان يكون عندنا فى الأخر موضوع متكامل من غير ما يكون فى أى تكرارات...
            و ياريت بجد نبدأ فى أقرب فرصة ممكنة
            استغفر الله الذى لا اله الا هو الحى القيوم و أتوب إليه

            تعليق


            • #7
              رد: تعالوا نتعلم ازاي نفسر نتايج التحليل باحتراف !!!

              ماشاء الله روعه الموضوع ده وهيبقى فى افاده وانا معاكم ان شاء الله

              تعليق


              • #8
                رد: تعالوا نتعلم ازاي نفسر نتايج التحليل باحتراف !!!

                انا معاكم يا جماعه وياريت اللي عنده معلومه يحطها وياريت يا جماعه منعدش في مواضيع ونستفيد بالمواضيع المميزه بالقسم ونبقي نرجع لها

                تعليق


                • #9
                  رد: تعالوا نتعلم ازاي نفسر نتايج التحليل باحتراف !!!

                  جزاكم الله خيرا
                  دكتورالعوامى

                  اختى الحبيبه فجر الاسلام

                  واختى الحبيه حبيبة امتي
                  واختى الحبيبه رغده
                  واختى الحبيبه رانا
                  واختى الحبيبه امــه مسلمــه

                  ودكتور احمد

                  بسم الله نبدأ



                  ( الخلاصة الألمعية في التحاليل الطبية !!)



                  + سأشرح تقسيمة التحاليل الطبية بفروعها المختلفة لكن باختصــار .. ودون الدخول في أية
                  إرهاصات أيدلوجية قميئة ، وسنركز على التحاليل الشهيرة فقط أما التحاليل النادرة فقط فسأحاول أن نتعرض لها دون بشرح مبسط دون تطويل ..

                  (1) التحاليل الكيميائية Biochemical analyses :



                  Liver function tests
                  ( S.GOT=AST) – ( S.GPT=ALT) – (AST/ ALTratio
                  Bil. Total and direct) – (Albumin) – ( Total protein) – (Albumin/ Globulin ratio) ( G – glutamyl transeferase) – ( 5- nucleotidase) – (Alkaline phosphatase

                  ملاحظة : قد يسمى آخر 3 تحاليل بالقائمة : Cholestasis Profile


                  Renal function tests
                  Cr. and Cr. clearance) – ( Urea and urea clearance) ( S.GOT=AST) – ( K+) – (+Na)

                  Diabetic profile
                  ( Fasting/ 2 hr post- prandial / random blood glucose) – (glucose tolerance curve = G.T.C) – ( Connective peptide) – ( Fractosamine) – ( Micro albumiuria

                  Total lipid profile
                  (S. Cholesterol) – (S. Triglycerides) – ( HDL) – ( LDL) – ( VLDL) – ( Homocystine).

                  Cardiac enzymes
                  (S. GOT = AST) – (LDH) – (CPK) – ( CPKMB/ CPKTotal) – (Tropenin T) – (K+) – (Na+).


                  (2) التحاليل الميكروبيولجية والطفيليات والعقم والخصوبة Microbiological analyses:

                  * تشتمل على المزارع البكتيريولجية والفطرية والفيروسية (نادرة جدا)
                  * تحليل البول والبراز والسائل المنوي Semenogram

                  (3) التحاليل المناعية والسيرولجية Immunoserological analyses:

                  أولا /التحاليل المناعية الشائعة : وفكرتها Ag. Ab rex وهي إما precipitation أو Agglutination وأشهرها :



                  (IHA for Bilharziasis) – (IHA for Toxoplasmosis) – ( VDRL) – ( S. TORSH) – ( ABO system & RH) –(Viral Profile) – (C- reactive protein) – (RF) – ( ASO titre) – (Hepatitis markers )


                  ثانيا /التحاليل المناعية النادرة (المتخصصة) :
                  + ويعتمد على عمل Assessment للجهاز المناعي على المستويات المناعية الثلاثة سواء الـ Innate أو الـ Cellular أو الــ Humoral immunity ، وتشتمل إما على عد الخلايا المناعية بالدم سواء الـ T- cells بنوعيها الـ Helper أو الـ Suppresor أو عد الـ B – cells وتعيين الكفاءة الوظيفية لكل نوع منها بالمثل مع الماكروفاجات Innate immunity يمكن تعيين استجابتها المناعية إما بتحديد هل تهاجر طبيعيا أم لا ؟ أو تعيين الـ Phagocytic activityلها .. إلخ
                  + أو يشتمل على تعيين مستويات الـ Cellular cytokines مثل الإنترلوكينات وأشهرها IL1,2,4,6,12
                  + وثمة فرع يختص بال Trasnplantation immunology وعمل اختبار التوافق النسيجي .. إلخ

                  (4) تحاليل الدم Haematological analyses :

                  + صورة عد الدم كاملة (هامة جدا)
                  + تعيين تركيز ونسبة الهيموجلوبين
                  + زمن النزف BT وزمن التجلط CT
                  + تحليل الـ ESR في الساعة الأولى والثانية.

                  (5) تحاليل والهرمونات ودلالات الأورام Hormones and tumor markers :

                  أولا / بالنسبة لتحاليل والهرمونات فأشهرها :


                  ( T3) – ( T4) – ( Free T3) – ( Free T4) – (TSH) – ( Prolactine) – Testosterone) - ( Estradiol) – (FSH) – ( LH) - (Insulin level) - (HCG hormone).

                  بالنسبة للهرمون الأخير يعرف بهرمون موجهة القند المشيمائية ومن الاسم ندرك على الفور أنه هرمون الحمل .. ظننت هذا واضحا !!

                  ثانيا / بالنسبة لتحاليل دلالات الأورام فأشهرها :


                  CEA) – (CA 19.9) – (CA 15.3) – (CA 125) – (Alpha pheto Protein=AFP) – (PSA=Prostate Specific Ag)


                  (6) تحاليل البيولوجيا الجزيئية Molecular biology and PCR:

                  * عمل تحليل (نوعي) لتحديد ما إذا كان الفيروس موجود او لا، و(كمي) لعمل Counting للمادة الوراثية للفيروسات الكبدية مثل B أوCأو الميكروبات عموما أو الطفيليات (آه بالمناسبة هو ايه الفرق بين الميكروب والطفيل ؟ مستني إجابة) مثل الفلاريا !!
                  * عمل الخريطة الكروموزومية Gene mapping مثل تعيين الـ Geno والـ Phenotype للمريض لتشخيص أمراض وراثية معينة : حالة تيرنر / داون / كلاينفلتر .. إلخ
                  * انتاج مستحضرات بيوكيميائية من نواتج الهندسة الوراثية مثل : الإنترفيرونات – والهرمونات مثل الإنسولين و GH أو الإنزيمات .. إلخ
                  * تحديد مكان الطفرات في جزئ الدنا DNA ولو كانت في مسافة زق Base Pair
                  * (الطب الشرعي Medicolegally وحل مشاكل نزاع البنوة Disputed paternity) .. تحديد الشخص ده بن مين؟ (افتكر قضية احمد الفيشاوي وهند الحناوي !!)
                  تعيين الشخص الجاني من عدة متهمين .. وتتلخص فكرتها من أننا لو استخلصنا أحد خلايا المجرم الموجودة على جسم (المرحوم) الناشئة نتيجة المعركة بينه وبين المجرم .. وعزلنا دنا المرحوم ودنا الأشخاص المتهمين وأدخلناهم في تقنية البي سي آر .. ( بفرض أننا استخدمنا 5 جينات فقط ) فستكون نسبة الخطأ 7/ 10000 ولك أن تتصور لو استخدمنا أكثر من أليل للمقارنة فستصل نسبة الخطأ للصفر .. (قمة الدقة !!)

                  (7) مجموعة تحاليل خاصة ونادرة :

                  + قد تخضع هذه القائمةأو لا تخضع لمجموعة التحاليل السابقة .. وقد أهملت معظمها وهي مثل :
                  التحاليل الباثولجية (الخاصة بالأنسجة والأورام) وطبعا ده لوحده تخصص منفرد .. واهملته لأنه مش مجالنا .. كمان نادر حبتين – تحاليل السموم – تحاليل الشعر (هرمونات) – تحاليل العرق (أملاح) – تحاليل المعدة – تحاليل اللوز – تحاليل الحوامل – تحاليل المقبلين على الزواج – تحاليل الماء – تحاليل الأغذية – تحاليل التربة .. إلخ


                  + دي كانت زي ما بيقولوا Birds view يعني نظرة طائر للموقف .. يعني لما الطائر يطير لفوق .. يشوف كل حاجة تحت !! بس واضح احبتى إن العملية ورمت مننا .. لكن أنا هنا ح اركز على الحاجات الشهيييييرة فقط أما النادرة فلن نتكلم عنها ( اتفقنا ؟)

                  ** خلونا نشوف مين معانا النهاردة؟ ونشوف ايه الأبحاث المطلوبة؟


                  اتمنى ان الكل يلتزم (وأنا أولكم) ونبحث وندور سوا عشان كلنا نتعلم ونفيد بعض ..بلا .. اريد من كل صاحب علم أو خبرة ان يفدنا هنا ويشاركنا .. اسأل الله الفائدة لنا جميعا .. قولوا آمين !!



                  آخر حاجه بقى فزورة النهاردة .. ركزوا معايا !!
                  • لنفترض ان واحد ما جابلك التحاليل ده .. ازاي تتصرف ؟ .. وح تشخص الحالة ازاي ؟ .. وح توجه المريض ازاي؟
                  .. طبعا انا بقول كده عشان نتعلم مع بعض ازاي نتعامل في المواقف اللي زي دي ؟ وازاي افكر تفكير علمي وطبي سليم يليق بصيدلي محترف ( صح؟) .. يعني مثلا مش ح نطلب من المريض أنه يعمل أشعة ع الكبد مثلا .. لأ احنا نعرف الحالة والموضوع ماشي ازاي واعرف اتناقش مع الطبيب المعالج لو لزم الامر !!


                  + ده أول تقرير معملي حنناقشه النهاردة .. وهو مثال لبداية جيدة .. وأول سلمة في التحاليل
                  حـ نطلعها مع بعض ان شاء الله .. (طبعا فاهمين) ؟




                  LIVER FUNCTION TESTS = LFT'S))

                  Bilirobin; 2.5 Up to 1 mg/ dl
                  Direct Bilirobin; 1 Upto 0.25
                  Albumin(gm%); 3.5% 4 – 5.2
                  Total protein (gm%); 5.5% 6-7.5
                  S.G.P.T; 250 Up to 40 Iu/ ml
                  Alkaline phosphatase; 26 3-13 K.A units






                  دمتم في رعاية الله وامنه ..
                  التعديل الأخير تم بواسطة راجية رضى الله; الساعة 20-02-2008, 07:35 PM.

                  تعليق


                  • #10
                    رد: تعالوا نتعلم ازاي نفسر نتايج التحليل باحتراف !!!

                    موضوع جميل بس عاوزه واحده مصحصحه
                    وأنا بجد مش قادره يا حياه ياقلبى دلوقت ولى عوده بكره .
                    ويارب ماحدش يحلها لحد ما أجى بكره وأجاوب أنا
                    هبحث وناويه بإذن الله أتعلم معاكى ..وأهى تبأى خبره عشان المستقبل
                    يارب إن شاء الله من تألق لتألق يا حياه
                    وربنا يزيدك نجاح إن شاء الله

                    تعليق


                    • #11
                      رد: تعالوا نتعلم ازاي نفسر نتايج التحليل باحتراف !!!

                      المشاركة الأصلية بواسطة حبيبة أمتى مشاهدة المشاركة
                      موضوع جميل بس عاوزه واحده مصحصحه



                      وأنا بجد مش قادره يا حياه ياقلبى دلوقت ولى عوده بكره .
                      و ماحدش يحلها لحد ما أجى بكره وأجاوب أنا
                      هبحث وناويه بإذن الله أتعلم معاكى ..وأهى تبأى خبره عشان المستقبل
                      إن شاء الله من تألق لتألق يا حياه

                      وربنا يزيدك نجاح إن شاء الله

                      نحن فى انتظارك حبيبتى ربنا معاكِ شكراً على تواصلك حبيبتى


                      ويا حبذا من شارك معنا .. أن يقوم بالآتي ..


                      (1) إما أن يقوموا بعمل الأبحاث الناقصة أو المتاخرة ..


                      (2) وإما أن يأتوا بتقارير معملية + تفسيرها بإستفاضة

                      (3) وإما أن يخبرنا برأيه وخبرته

                      فى حفظ الله

                      تعليق

                      يعمل...
                      X