إعـــــــلان

تقليص
لا يوجد إعلان حتى الآن.

المرجع والدليل في علم التحاليل

تقليص
هذا موضوع مثبت
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • المرجع والدليل في علم التحاليل



    اخواني الأعزاء أعضاء منتدى الصيادلة اليوم أتقدم لكم اليوم بموضوع جديد يلم كل أنواع التحاليل الطبية وطريقة العمل في المعمل .
    سأحرص في الموضوع أن يكون مرجع لجميع التحاليل الطبية بصورة مرتبة ومتتالية .
    فجميع الموضوعات الخاصة بالتحاليل يتخللها رسائل الشكر والثناء من القراء لصاحب الموضوع مما يقطع ترتيب الموضوع ويشتت القاريء . كما أن العديد من موضوعات التحاليل لم يكملها أصحابها بسبب ظروف العمل وظروف خاصة سببت انقطاعهم عن المنتدى .
    الان بعد المقدمة نستعين بالله ونبدأ .

    فهرس التحاليل الموجودة بالموضوع
    1-تحليل البول (urine analysis)
    2- تحليل الدم (cbc)
    3- تحليل سرعة الترسيب (esr )
    4- تحليل البراز ( stool analysis)
    5- تحليل مزرعة البول ( urine culture )
    6- تحليل السائل المنوي ( semen analysis )
    7- تحليل ( aso )
    8- تعيين نسبة الكرياتينين بالدم
    9- قياس زمن النزف ( bt )
    10- تحليل البصاق
    11- قياس زمن التجلط ( ct )
    12- تحليل السكر في الدم والبول
    13- وظائف الكبد
    14- اختبار الحمل ( hcg )
    15- تحليل فصيلة الدم ( blood group)
    16- عامل ريسس ( rh )
    17- الكشف عن السموم والمخدرات
    18- تحليل cholesterol
    19- sex hormones
    20 thyroid hormones
    21-كيفية قراءة التحاليل الطبية
    22- امثلة للتدريب على تحاليل مختلفة
    23- جمع عينات الدم ( collection of blood )
    24- اجراءات السلامة في معامل التحاليل





    أولا : تحليل البول urine analysis

    كتبه الدكتور عمرو القاضي :

    تحليل الــ
    urine

    وهذا التحليل مهم جداا لمعرفة أو التنبأ بوجود خلل سواء أكان في وظائف kidney أو

    urinary tract disease أو وجود امراض اخرى

    (systemic disease ) لذلك عاوزين نركز على كل حاجة في هذا التحليل البسيط لان فيه استفادة جامدة جدااا ان شاء الله

    بسم الله

    تحليل اليورين يشتمل على الاتى

    1-- Appearance

    يعني شكل أو لون اليورين دا ايه

    حيث يكون اللون الطبيعي من اصفر شاحب (pale yellow ) الى الاصفر الذهبي الغامق (deep gold )

    و أي تغيرات في اللون تدل على وجود حالة مرضية أو نتيجة استعمال دواء


    معين . فعلى سبيل المثال لون البول الاحمر يدل على اشياء كثيرة ومن ضمنها وجود الدم به

    لون البول بني مصفر يدل ان البول يحتوي على conjugated bilirubin

    أما اذا كان اللون درجات اخرى من الاحمر او البرتقالي او البني بيكون في الغالب من استعمال بعض الادوية

    مثل rifampin

    2-- specific gravity

    النسبة الطبيعية تكون من 1.003 الى 1.035

    في حالة زيادة sp.gr دا بيكون ناتج عن diabetes mellitus نتيجة زيادة الجلوكوز في البول


    أما في حالة نقص sp.gr دا يحدث في حالة diabetes insipidus نتيجة استهلاك الماء الكثير مما

    يقل تركيز اليورين

    أما لو sp. gr كانت 1.010 وهي نفس sp.gr بتاعة البلازما مما يدل على أن الكلى غير قادرة على

    تخفيف urine أوتركيزه .... kidney disease

    وهنا يجب ارشاد المريض لعمل تحليل وظائف الكلى لمعرفة نوع الخلل وشدته



    3- protein


    وجود البروتين باليورين مما يدل على وجود أي من هذه الاحداث سواء

    renal disease,bladder infection,venous congestion ,fever

    ولكنوجود نوع معين من البروتين من الممكن ان يرشدني الى وجود مرض معين ففي حالة وجود

    bence jones protein دا يدل على وجود مرض multiple myeloma أما وجود

    albumin protein وهو غالبا ما يوجد دا يدل انه من الممكن وجود خلل

    بــ glomerular permeability


    وفي هذه الحالة يجب ارشاد المريض لعمل تحاليل وظائف الكلى


    4-glucose

    طبعا الجلوكوز مش بيظهر في اليورين الا بعد ما يزيد عن 180 مليجرام بالدم في هذه الحالة يبدأ يظهر في البول

    ووجود السكر بالبول يدل على وجود مرض السكري ولكن يجب عدم الحكم على مريض بالسكري الا من خلال

    تحليل الدم من الممكن ان يوجد عيب بالكلى وأنها

    تسمح بمرور السكر حتى وان كان اقل من 180 ودي بنسميها

    lowered renal threshold for glucose

    لذلك عند وجود السكر بالبول يجب اجراء تحليل دم للتأكد من وجود السكر من عدمه

    ولكن اذا تأكدنا انه مريض سكر diabetes mellitus فكيف لي ان احكم عليه انه مريض سكر

    من النوع الاول او النوع التاني ؟؟؟ يعني ان المريض بحاجة الى الانسولين ام لا؟؟


    ودا حنعرفه مع بقية التحليل ان شاء الله

    ولنا تكملة لتحليل اليورين ان شاء الله تعالى
    التعديل الأخير تم بواسطة طيور الجنة; الساعة 25-01-2011, 08:34 PM.

  • #2
    رد: المرجع والدليل في علم التحاليل

    وحنكمل دلوقتي تحليل اليورين (urine )

    واخر حاجة اتكلمنا عنها هي ظهور الجلوكوز في البول وهذا يدل بشكل كبير

    عن وجود مرض السكر ولكن يجب عمل تحليل سكر في الدم للتأكد من

    وجود السكر وقد ذكرنا السبب سابقا

    ثانيا احنا قولنا انه بيبان سكر في البول ولكن مش بقدر احدد نوعه . هل دا

    مريض من النوع الاول ويبدأ ياخد انسولين

    او من النوع الثاني ويبدأ ياخد حبوب ؟؟؟

    ودا الي احنا حنعرفه من تحليل البول من خلال متابعة الكيتون (ketones bodies )

    بحيث ان ظهور هذه الاجسام في البول تدل على ان جسم المريض لا يوجد به

    انسولين يعني مريض من النوع الاول وهو يحتاج الي انسولين ولكن لا ننسى

    انه من الممكن ظهور اجسام الكيتون في البول في حالة المجاعة او ان الانسان مش

    بياكل كمية قليلة جداا من الكاربوهيدرات وفي هذه الحالة مش حيظهر اساسا سكر في البول ياريت يكون كلامي واضح

    حقول نبذة مختصرة عن مرض السكر علشان نفهم النقطة دي كويس

    طبعا احنا عارفين انه يوجد انواع كثيرة من مرض السكر انا مش حتكلم عليهم كلهم ولكن انا حتكلم ع الي يهمني من النقطة دي

    يعني يوجد النوع الاول وهذا النوع يفتقد الخلايا التي تفرز الانسولين وبالتالي فهو يحتاج الي انسولين من الخارج

    وبما أن الانسولين من ضمن وظائفه بيمنع تحويل (free fatty acids ) الي (ketone bodies )

    وبالتالي في حالة عدم وجود الانسولين حيبدأ يظهر اجسام الكيتون في البول

    (النوع الاول ) التي يتم اخراجها عن طريق الكليتين وبذلك بنقدر نحكم على نوع

    السكر من خلال هذه الاجسام وحاجة الجسم للانسولين او الحبوب

    كمان فية حتة جميلة ودي ممكن اشوفها في المريض وأقدر اتوقع نوع السكر

    حيث انه يوجد نوع من اجسام الكيتون هذه يسمى بـ acetoacetate ودا بيتحول عن طريق الكبد الي acetone

    الذي يتم اخراجه عن طريق الرئتين

    والاسيتون له رائحة الفواكهة التي تخرج عن طريق التنفس وتستطيع تميزه

    في نفس المريض وبالتالي هذا يدل انه مريض سكر من النوع الاول اكيد واضح كلامي

    علشان كدا بنقول ان مريض السكر بيحتاج متابعة باستمرار ومراقبة بحيث انه

    كل فترة يتم اجراء تحليل بول ومراقبة اجسام الكيتون خصوصا اذا كان من

    النوع التاني ليييييييييييييييه؟؟؟

    لانه في بعض الاحيان يتم عمل تحليل بول مثلا نرى فيه وجود سكر وعدم وجود اجسام كيتون تمام

    بديهي حنطلب تحليل سكر في الدم تمام

    وبالفعل ظهر انه مريض سكر وبما أن ما فيش اجسام كيتون في تحليل البول يبقى

    المريض الي عندي دا مريض سكر من النوع التاني الذي يحتاج الي حبوب زي

    سالفونيل يوريا (sulfonylureas drugs ) وبمجرد تناول المريض للعلاج بدأ

    يتحسن ثم بعد فترة سنة او اكثر او اقل بدأ المريض يشتكي من اعراض زيادة

    السكر ؟؟ فما الامر وماذا حدث وكيفية التصرف مع هذه الحالة ؟؟

    انتظر الاجابة ثم نستكمل حديثنا ان شاء الله

    تعليق


    • #3
      رد: المرجع والدليل في علم التحاليل



      المشاركة الأصلية كتبت بواسطة د. عمرو القاضي

      لانه في بعض الاحيان يتم عمل تحليل بول مثلا نرى فيه وجود سكر وعدم وجود اجسام كيتون تمام

      بديهي حنطلب تحليل سكر في الدم تمام

      وبالفعل ظهر انه مريض سكر وبما أن ما فيش اجسام كيتون في تحليل البول يبقى

      المريض الي عندي دا مريض سكر من النوع التاني الذي يحتاج الي حبوب زي

      سالفونيل يوريا (sulfonylureas drugs ) وبمجرد تناول المريض للعلاج بدأ

      يتحسن ثم بعد فترة سنة او اكثر او اقل بدأ المريض يشتكي من اعراض زيادة

      السكر ؟؟ فما الامر وماذا حدث وكيفية التصرف مع هذه الحالة ؟؟

      انتظر الاجابة ثم نستكمل حديثنا ان شاء الله
      الاجابة :

      أن هذا المريض ليس من النوع الاول ولا النوع الثاني ولكن يسمى 1.5 او المتأخر

      بمعنى انه في البداية بتعامل معاه ع اساس النوع التاني وبيبدأ ياخد المريض حبوب

      السكر (في هذه الحالة الانسولين موجود ولكن خلايا قليلة في البنكرياس هي لم يحدث

      لها تدمير كامل وبالتالي مازال نسبة من الانسولين موجودة بتكون هذه النسبة قادرة

      على منع ظهور الكيتون في البول وقادرة ايضا على احتياجات الجسم من الانسولين في

      هذا الوقت )
      ولكن هذا المريض (او اي مريض سكر يحتاج متابعة ع الاقل بتحليل بول ) سرعان ما يتم تدمير كامل للخلايا الباقية التي تفرز الانسولين وبالتالي يظهر الكيتون في البول وهذا دليل ان النوع التاني تحول الي النوع الاول

      وبالتالي هذا المريض من الضروري ان يأخذ انسولين مع حبوب السلفونيليوريا

      ارجو ان تكون الاجابة واضحة

      تعليق


      • #4
        رد: المرجع والدليل في علم التحاليل

        الأن طريقة اجراء تحليل البول في المعمل ومحاضرة هامة للدكتور :
        عماد الصباغ ( أخصائي تحاليل )

        النهاردة حنبدأ باخيبار البول

        الدكتور بيطلبه ازاري 1- ممكن يقول للمريض اعملي تحليل بول أو
        2-يكتب له ريكوست مكتوب فيه
        Complete Urine Analysis
        CUA
        Urine
        بول أو تحليل بول أو تحليل بول كامل
        *طيب الدكتور بيطلبة ليــــــــــــــــــــــــــــ ــــــــــــــــه
        1- لو المريض عنده حرقان اثناء التبول ( علشان يشوف في املاح اوصديد ولا لا
        2-لو المرض عنده تقل في جنب او الاتنين مغص كلوي
        3-لو بيروح الحمام بالليل كتير او بيشرب ميه كتير
        **تمــــــــــــــــــــــــــ ــــــــــــــام كـــــــــــــــــــــــــــــ ـده

        ** بعد كده نيجي لدور المعمل في الموضوع دة
        1- تجميع العينه : يفضل اول عينه الصبح ( لان تركيز كل حاجه فيها عالي ) بس يعني لو الدكتور باعته يعنل تحليل اوعي تقوله تعاي بكرة ليهرب منك ويروح معمل تاني يعني احن بنقول أفضل مش لازم
        2-برضه لو تسأل المريض انت بتشكي بايه او بتحس باية من باب العلم بالشئ وللربط بين اللي حيبان قدامك تحت الميكروسكوب والحاله بتاعة المريض
        3-شوف شكل العينه ( معكرة ولا لأ ) وحنقول ليه بعدين
        4- تاخد العينه من المريض وتدورها في السنترفيوج من 2 -5 دقايق علشان ترسب العكارة اللي فيها .حتلاقي عنك في قعر الانبوبة راسب ويمكن متلاقيش
        5-طيب لو لقيت الراسب يكون ايه
        ------ علي حسب لون وبعد كده فحصه تحت الميكروسكوب ---------
        --- ممكن يكون واحد من الحاجات اللي حقولها-----------------
        ****1- أملاح امورفس يورات او فوسفات (Amorphos Urate Or Amorphos Phosphate ده برضك علي حسب الوسط يعني الاتنين تحت الميكروسكوب زي بعض لكن راسب اليورات لون بنك في الانبوبة ووسطه حمضي اما الفوسفات فبيكون لون ابيض في الانبوبه ووسطه قلوي
        ***2- خلايا بشرية ( Epithelial Cells ) ودي بتكون في الستات كتيرة وطبيعيه لان مصدرها من ال Urethra
        //////// طبعا الكلام دا كله مقدمه /////////////////////////////نيجي بقه للكلام الصح

        =======أول حاجه في تحليل البول هي Physical Examination
        وفيه ابرع حاجات مهمه
        1-الحجم Volume( حجم العينه ) بس دا مهم في حالات تجميع البول/24 ساعه
        2-الشفافية(Aspect) ودي اللي قولنا عليها العينه معكره ولا لا ولو معكرة معكرة جامد ولا نص نص يعني Turbid أو S.Turbid يعني Semi turbid

        تعليق


        • #5
          رد: المرجع والدليل في علم التحاليل

          بسم الله الرحمن الرحيم

          السلام عليكم ورحمة الله وبركاته

          يلا يا جماعه نكمل تحليل البول اللي اتكلمنا فيه من يومين Complete Urine analysis

          احنا كنا اتكلمنا عن Physical proparties بتاعة البول وشرحنا فيها Volume &Aspect

          والنهارده ان شاء الله هنكمل Physical proparties

          وتالت حاجه 3-اللون Colour
          طبعا اللون الطبيعي للبول اللي هو اللون الاصفر القاني Amber yellow تمام كده
          ولكن لون البول بيختلف في درجات الاصفر حسب تركيز المواد الصلبة اللي فيه ( الاملاح - الصديد - الدم - الخلايا البشرية -الزلال -البكتريا .... الخ )

          ------------يعني ايه درجة تركيز لون البول --------يعني الفترة اللي بيتحبس فيها البول ------------
          برضك يعني الفترات بين دخول الحمام ---يعني كل ما طالت الفترة بين دخول الحمام يكون تركيز البول اكتر --
          -------------------------------الحالات المرضية اللي بيتغير فيها لون البول -----------

          1- لو اللون زي لون المياه العاديه Watery دا بيكون غالبا في حالات السكر بنوعية
          Diabetes Militus And Diabetes Insipidus

          2- طيب لو اللون محمر Reddish دا غالبا بيكون في حالة وجود دم Red Blood Cells وطبعا دا بيكون سببه غالبا املاح كتيرة جدا او حصوة في المسالك البولية او التهاب في غدة البروستاتا او البلهارسيا البولية-أو في الستات ممكن تكون بسبب الدورة الشهرية .وفي بعض الاحيان في علاجات بتغير لون البول للون الاحمر ......طبعا لو مفيش حاجة من اللي قلنا عليها نسأل المريض لو بياخد علاج ولا لا .

          3-طيب لو اللون مدخن Smoky دا طبعا بيكون سببة يا اما نسبة صديد عالية Pus cells او خلايا بشرية Epithelial cells او بكتريا .

          4- اللون الحليب Milky دا بيكون في حالة املاح اليوراتAmorphus Urate او الفوسفاتAm.Phosphate بس خلي بالكم من لون الراسب غير لون البول نفسه

          5- اللون الاسود Black دا بيكون في حالة الدم القديم او الحالة المرضية اللي بنسميها Alkapton bodies ودي حالة نادره بتون نتيجة خلل وراثي في الميتاوبلزم )

          6- االلون الاصفر الغامق خالص او البرتقالي او بالبلدي كده لون الشاي يبقي الحالة دي هي حالة الصفرا Jaundice ودي طبعا بتكون واضحة علي جسم المريض -- يعني بتلاقي لون الاوعية الدموية في بياض عينه او جلده بيكون لون اصفر .ودي اختبارها في المعمل ساهل جدا


          طيــــــــــــــــــــــــــــ ــــــــــــــــــــــــــــــ ــــب ازاي اعرف عينه البول فيها صفرا ولا لا -----

          تملي الانبوبه بالبول 2/3 ونضيف 3 نقط اليود علي جدار الانبوب ( طبعا الانبوبة لازم تكون شفافه علشان تشوف النتيجه ) او لو مش متوفر ممكن نستخدم صبغة اليود من الصيدلية

          -- برضك لسه معرفناش النتيجه --------------- بص يا سيدي لو الصفرا موجوده بتتكون حلقة لونها اخضر عند التقاء اليود مع سطح عينه البول ( يعني الحد الفاصل بينهم )

          طيب لو مفيش حلقه خضره --------------بسيطه خالـــــــــــــــــــــــــــ ــــــــــــــــــــــــص
          يبقي مفيش صفراء

          ****************************** ****************************** *****************

          رقم 4 في Physical proparties هي الكثافة النوعية للبول Specific gravity

          واختصارها SP.GR. وفي بعض الاحيان بتتطلب لواحدها في حالات الفشل الكلوي المزمن

          --------والطبيعي بتاعها من 1015-1025 جم/سم3 -------------------

          برضك لسه معرفناش ايه هي الكثافة النوعية ( يعني مقدار تركيز المواد الصلبة في البول )
          يعني كلما زادت المواد الصلبة ( زي البروتين - الاملاح- الصديد- الدم ...الخ ) تزيد الكثافة -


          --- ملحوظة-- كلما زاد غمقان اللون كلما زادت الكثافة والعكس صحيح ..
          طيب ازاي نتشغالها عملي ( في طريقتين واحدة قديمة والتانية جديدة )
          ----- القديمة تحلي ولو كانت وحله---يعني انا بصراحه بحب شغلها == تمام *****
          دي بتبقي بجهاز اسمه Urinemeter عبارة عن سلندر بتتملي بالبول ( 50 مل ) وعاه مكثف
          حاجه كده يعني عاملة زي الترمومتر مدرجه من 1000 --الي 1050 **

          بعد ما نملي السلندر بالبول نضع المكثف عموديا بس بشرط ما يلمسش جدار السلندر وخلي بالك من درجة الحرارة حنقول لية - المهم تشوف سطح البول عند رقم كام في المكثف ودا هو الكثافة النوعية ---

          احنا قلنا درجة الحرارة ليــــــــــــــــــــــــــــ ـــــــــــــــــــــة علشان احنا مفروض نقيس عند درجة حرارة 15 ------------طيب الحل اية -----بص يا سييدي الحل بسيط كل 3 درجات زيادة عن 15 تزود بيها درجة في الكثافة يعني لو انت قريتها 1015 والحرارة كانت 18 تبقي الكثافة في الاخر 1016 ---طيب لو الحرارة اقل من 15 نفس الحكاية بس تنقص مش تزود يعني لو الحرارة 12 والقراءة 1015 تبقي القراءة النهائية 1014

          ودي معادلة لدرجات الحرارة الاخري

          Sp.Gr At 15 C = (Room Temp.-15) / 3+ Reading

          وبكده نبقي خلصنا Physical proparties

          تعليق


          • #6
            رد: المرجع والدليل في علم التحاليل

            تكملة محاضرة الدكتور : عماد الصباغ عن طريقة عمل تحليل البول في المعمل .
            والنهاردة ان شاء الله حنبدأ شرح الفحص الكيميائي Chemical examination
            وفيه حنشرح االاتي
            1- Albumin
            2- Bilirubin
            3-Blood
            4-Urobilinogen
            5-Glucose
            6-Acetone
            7-PH

            ****************************** ****************************** ************
            1- Albumin ألبومين ---واسمه بالعربي ( الزلال )ساعات الدكتور بيطلبه لوحدة ودا نادر
            وهو بينطلب في حالات الحمل وهنقول ليه ======
            وطبعا ممكن الدكتور يطلبه لوحده في حالات المتابعه ( يعني لو مريض عمل تحليل بول كامل ولقي عندة زلال ممكن ساعتها الدكتور يطلبه لوحده علشان يتابع )---- تمام كده
            [LINE]hr[/LINE]

            *****أول حاجه هو ممكن ينطلب ليه بص يا سيدي طبعا زي ما قلنا فوق انه غالبا مش بينطلب لوحده بس احنا بنعمله من خلال تحليل البول الكامل


            *****نعمله ازاي ///****** بص يا سيدي غالبا عينة البول اللي فيها نسبة زلال عالية بتكون معكرة Turbid Or Semi turbid علي حسب نسبة او تركيز الزلال \ تمـــــــــــــــــــــــام

            طيب في طريقة الشرايط Combi ودي الناس كلها عرفاها اللي فيها بندور البول في السنترفيوج وبعدين بنغمس الشريط فيها وبعدين نزيل بقية البول في الشريط ونقرا النتيجه خلال 30 - 60 ثانية طبعا لون الشريط بيتغير من اللون الاصفر الي درجات اللون الاخضر علي حسب تركيز الزلال في البول( يعني كل ما اللون الاخضر بقي اغمق كلما زاد تركيز الزلال )

            وفي طريقه قديمه واللي فيها بنحط البول في انبوبة شفافه وتكون انبوبه زجاج طويلة شويه ونملي2/3 منها ونسخن الجزي العلوي من البول ---- طيب ليه الجزء العلوي )

            اللي يعرف يقول لي ---------------------------------------

            علشان لو في زلال حتلاحظ ان العكاره اللي في البول بتزيد( عكاره لونها ابيض ) --ساعتها بقي نقدر نقارن بين درجه عكارة البول قبل التسخين وبعد التسخين -- علشان نقدر نحدد كمية الزلال ( كلما كانت العكاره اغمق كطلما كان تركيز الزلال اعلي )

            طيــــــــــــــــــــــــــــ ــــــــــب ممكن واحد يقولي ان العكارة دي ممكن يكون سببها حاجة تانيه غير الزلال ------------------------اقوللك مظبوط

            بس بص الشرح ----------

            قفلنا لو البول معكر -------------نسخن البول ( ونشوف النتيجه )
            1- لو العكارة اختفت ( يبقي العكاره عباره عن املاح اليورات او الفوسفات )
            2-طيب لو زادت يبقي ساعتها دا بروتين 100% نتأكد بايه --نتاكد بوضع نقط من Acetic Acid يكون تركيزه 3% لو زات العكارة يبقي بروتين

            خلاص كـــــــــــــــــــــــــــــ ـــــــــــــــــــــــــده **************************

            طيب انا لو لقيته في البول الكلام ده معناه ايه ---------------- بص يا سيدي


            **أول حاجه تعملها تشوف المريض دا ست ولا راجل **طيب لـــــــــــــــــــــيه
            لان لو ست ممكن تكون حامل وساعتها الزلال ده طبيعي يكون عندها ---برضك ليه لان الجنين بيضغط علي الكليتين ويخليها ما تتحكمش في عدم نزول الزلال ( لانه طبيعي مش مفروض ينزل في البول

            **طيب لو راجل او ست مش حامل الكلام ده طبعا في حالات كتيره منها التهاب الكلي - الفشل الكلوي -التهاب الجهاز البولي عموما ) لان الكلي ساعتها مبتقدرش تتحكم في نزول الزلال -

            **طيب دا ممكن يكون طفل صغير يعني من ( سن 7 - 15سنه ) اوعي تقول لابوه ابنك عنده مشكله في الكلي زي ما حصل مع دكتور صاحبنا اسمه شروفه ---------يا عم ازاي ما انت لسه قايل .
            *************بص يا سيدي الولد ده ممكن يكون عنده حاجه في الكلي صحيح بس دا مش الاحتمال الوحيد ----------- يعني خلي موضوع الكلي دا اخر حاجه
            -برضك اكيد انت مش فاهم -* بص ياسيدي الواد ده ممكن يكون عنده حاجه من دول وده اللي بيكون موجود غالبا 1- يكون عنده سخونيه ( يعني السخونيه تزود الزلال - اه طبعا )
            2- ممكن يكون عند التهاب في اللوز ( ودا طبعا بيزود الزلال بتاع البول مش الدم)


            ودا تقريبا كل حاجه عن الزلال

            تعليق


            • #7
              رد: المرجع والدليل في علم التحاليل

              تابع محاضرة الدكتور عماد الصباغ :
              المره دي ان شاء الله هنتكلم عن البيليروبين Bilirubin في البول

              طيب هو ايه البليروبين اللي بتقول عليه ده ؟

              البليروبين باختصار هو ناتج تكسير كرات الدم الحمراء ونشرحه بالتفصيل ان شاء الله في تحليل البليروبين في الدم .وهو عبارة عن حاجه طبيعية موجوده في الدم ونسبته متعديش الواحد الصحيح مجم/ ديسيلتر.
              ولو عدت النسبه الواحد نسمي الحالة Hyperbiliubinaemia

              اما لو عدت 2.5 ساعتها نسميها مرض الصفراء او اليرقان بالعربي Jaundice

              تمام كده------------------------------------------نيجي بقي للعملي


              طبعا التحليل ده مبينطلبش لوحده الا نادرا واحنا طبعا بنعمله في تحليل البول الكامل

              المهم انك في المعمل لو بتشتغل بالشرايط يبقي كده كده كل عينه هتشوف فيها صفرا ولا لا

              يبقي لو الشريط عطا ايجابي يبقي في بيليروبين في البول

              -- الطريقة التانية وهي القديمه لكنها تستخدم للان ---------------------

              طبعا مش كل عينه هنعماها الاختبار ده -------------------------

              طيب امال بتعمل لانهي عينه

              بصوا يا جماعه العينه اللي نشك ان فيها صفرا لازم نعملها اختبار الصفرا --طيب امتي اشك

              تشك لما تبقي دبوس ------ بهزر

              بص يا سيدي لما يكون لون البول قريب من لون الشاي ( اي درجه من درجاته )

              نملي تلتين انبوبة زجاج بالبول بعد ما يدور في السنترفيوج وبعديـــــــــــــــــــــــــ ــــن

              نحط علي جدار الانبوبه ( يود او صبغة يود من الصيدليه )

              تلت او اربع نقط ---------------طيب هتشوف الاتي

              1- لو سلبي لون البول هيبقي زي ما هو واليود هينزل تحت ويختلط بالبول

              2- لو ايجابي يبقي هتشوف عند ىالتقاء البول باليود تكون حلقه لونها اخضر

              كلمـــــــــــــــــــــــــته اخيـــــــــــــــــــــــــــ ــــــــــــرة

              لو لقيت البليروبين موجوده في البول يبقي دي النوع الماشر من الصفرا

              لان النوع الغير مباشر مبينزلش في البول

              تعليق


              • #8
                رد: المرجع والدليل في علم التحاليل

                الأن بعض الصور لتحليل البول تحت الميكرسكوب منقوله من منتدى أخر



                Urine Microscopic Examination:

                [SIZE="6"] amorphous urate crystals [/ SIZE]
                ****************************** **


                amorphous phosphate crystals

                ******************************


                Ca Oxalate crystals 1

                ************************

                Epithelial cells
                ***************************

                Bilirubin
                **********************

                Pus (WBC's

                تعليق


                • #9
                  رد: المرجع والدليل في علم التحاليل

                  ثانيا تحليل الدم cbc:
                  محاضرة للدكتور عمرو القاضي :

                  بسم الله الرحمن الرحيم

                  حنبدأ أول شىء بتحليل الدم (CBC ) أو ما يسمي بصورة الدم الكاملة

                  وطبعا احنا عارفين ان الدم بيتكون من RBCs و WBCs وصفائح دموية

                  ويشتمل التحليل (complete blood count ) علي الاتي

                  hemoglobin ( Hb)

                  hematocrit ( Hct)

                  total white blood cells ( WBCs)

                  total red blood cells ( RBCs)

                  mean cell volume( MCV)

                  platelet count

                  ودي الحاجات الي بتظهرلي في تحليل الدم


                  RBCs -1

                  ودي بشوف عندي كم كرة دم حمراء موجودة في المليميتر المكعب في الدم كله

                  وبتكون النسبة الطبيعية لها في الرجل من

                  4.3 مليون الي 5.9 مليون خلية

                  أما في النساء فتكون من

                  3.5 مليون الي 5.0 مليون خلية


                  2- Hct or PCV

                  ودي بتكون غالبة 3 أضعاف قيمة Hb

                  وبتكون في الرجال من 42% الي 52% او ساعات بتكتب (0.42 الي 0.52 )

                  أما في النساء فنسبته الطبيعية تكون 37% الي 47% او تكتب (0.37 الي 0.47 )

                  طيب انا استفيد من التحليل دا في ايه بالظبط :

                  في حالة انخفاض Hct ودا بيحدث في حالات الانيميا ولكن مش بقدر احدد

                  السبب حنعرفه في التحاليل الي بعد كدا

                  أو في حالة فقدان الدم الشديدة

                  أو في حالة overhydration ودي معناها ان كمية السوائل الي انا

                  باخدها اكتر بكتير من كمية السوائل الي انا بفقدها

                  وفي الحالة دي بتكون اساسا الاوعية الدموية ممتلئة وبالتالي السوائل الزيادة دي

                  حتتسرب من الاوعية الدموية وتروح بين الخلايا ويحصلي edema

                  وفي الحالة دي لازم احدد سبب overhydration

                  سواء أكان heart failure (في الحالة دي بيكون القلب بيكون مش قادر يضخ الدم الي بيجيله )

                  يفضل عمل تحاليل اخري للتأكد سوف تشرح فيما بعد

                  أو أكان kidney disorders (في الحالة دي بتكون الكلي مش قادر
                  تتخلص من السوائل )

                  يتم عمل وظائف للكليتين للتأكد حناخدهم فيما بعد ان شاء الله ويفضل ايضا

                  عمل اشعة

                  أو أكان الجسم بيفرز كميات كبيرة من anti diuretic hormone

                  (وفي الحالة دي الهرمون دا بيدي اشارة للكلي انها مش تتخلص من السوائل يعني بيعمل احتباس )

                  والهرمون دا بيحصله افراز زيادة من الجسم عند وجود التهاب رئوي أو

                  stroke أو ان المريض بيستعمل ادوية زي

                  carbamazepine ,sertraline ,NSAIDs


                  طيب امتي اطلب صورة دم أو ارشد المريض لعمل تحليل صورة دم أو لعمل Hct

                  لما يكون فيه الاعراض الاتية

                  اديما في القدمين (بردو يفضل عمل تحاليل للكليتين ) أو في اسفل الظهر

                  لما يكون هناك صعوبة في التنفس (لان هناك كمية من السوائل حتختزن في

                  الرئيتين ) وان المريض مش قادر ياخد نفسه خصوصا لما بيستلقي علي

                  الارض (لان السوائل المختزنة في القدمين حتتحرك لأعلي الي البطن ثم الرئتين

                  وبالتالي مش حيقدر ياخد نفسه هنا يجب عمل اشعة علي الرئتين (تضخم )

                  العلاج بيكون بأستعمال مدرات البول (diuretics ) وعلي رأسهم thiazide

                  وهذا لتقليل كمية المياه ثم التعرف علي السبب وعلاجه حسب الحالات التي

                  ذكرتها


                  طيب في حالة زيادة Hct دا بيبقي ناتج عن ايه:

                  dehydration

                  أو

                  polycythemia والحالة دي معناها زيادة كرات الدم الحمراء عن الحجم

                  الطبيعي وفي الحالة دي bone marrow بيخلق كرات الدم بأستمرار مما

                  يؤدي الي زيادتها وبالتالي زيادة حجم الطحال لانه المسؤل عن التخلص من

                  الكرات الزيادة دي وبالتالي علشان يأقلم نفسه حجمه بيزيد وكمان الكبد حجمه

                  بيزيد وطبعا لما الطحال بيزيد حجمه بيملي منطقة البطن وبالتالي المريض

                  بيشعر دايما انه عنده انتفاخات وان باطنه مليانه والحالة دي بينتج عنها

                  صداع باستمرار ,دوخة , عدم اتزان في السمع ,دوخة ,دوار وغالبا ما يكون

                  الضغط مرتفع ,غثيان , قيء .زنة في الاذن ,يشعر بالارهاق ,اضطرابات بالنظر ,

                  حكه وهرش بجميع انحاء جسمه (اكن فيه حاجه بتعمله الاكلان دا داخليا )

                  , طبعا والمصيبة الكبري انه بيحصل جلطات في اليد والقدم ومن ثم القلب وهكذا

                  الحالة دي بتحصل لشخصين كل 100000 شخص

                  (أنا عدى عليا 3 حالات ربنا يشفيهم )

                  ملحوظة في حالة عدم علاج الحالة دي نص المصابين بها بيموتو في خلال

                  سنتين وفي حالة العلاج ممكن يجلس من 15 الي 20 سنة

                  طيب ايه العلاج :

                  طبعا بتبقي بطريقة نفس طريقة التبرع بالدم (بيسحبو الدم الزايد دا كل فترة

                  ممكن تصل الي عدة شهور ) الي ان يصل Hct الي النسبة الطبيعية

                  وطبعا ممكن ناخد الاسبرين علشان الجلطات ودا حيساعد انه حيوقف

                  الشعور بحرارة او حرقان (اكلان ) اليد والقدم

                  بعض الادوية الاخري زي الانترفيرون

                  علشان كدا لما تكون عندي الأعراض دي ارشد المريض أنه يعمل تحليل Hct

                  وطبعا بيكون طبيعي ان RBCs و Hb مرتفعة


                  وحنكمل ان شاء الله

                  تعليق


                  • #10
                    رد: المرجع والدليل في علم التحاليل

                    - Hb test

                    وهو ما يعني الهيموجلوبين وهو يكون بداخل كرات الدم الحمراء وهو يتكون من

                    بروتين وحديد (haem + glubin ) وطبعا احنا عارفين ان كرات الدم

                    الحمراء بتتكسر كل 120 يوم وبالتالي حيحصل تكسير للهيموجلوبين مما ينتج

                    عنه افراز الحديد في الدم وبيجي بروتين تاني اسمه ترانسفيرين ويبدأ يجمع

                    الحديد الناتج دا ويوديه الي bone marrow علشان يصنع هيموجلوبين من

                    جديد بس يا خسارة الترانسفيرين دا مش بيقدر يجمع الحديد كله وبيفضل شوية

                    حديد في الدم بيدخلو في تركيب البيليروبين الذي يفرز مع الصفراء وهو

                    المسؤل عن اللون البني المصفر للبراز

                    ووظيفة الهيموجلوبين هي نقل الاوكسجين من الرئتين الي جميع انحاء الجسم

                    طيب ما هي النسب الطبيعية :

                    في الرجل بيكون من 14 الي 18 g/dL

                    اما النساء فتكون 12 الي 16 g/dL

                    في الاطفال من 11 الي 16 g/dL

                    طيب في حالة نقص Hb دا بيديني indication ان في انيميا وبتكون

                    غالبا ناتجة عن نقص الحديد لان في حالات اخري الحديد بيبقي موجود بنسب

                    كويسة ولكن الجسم مش قادر يمتصه وطبعا هناك تحاليل حتحدد لنا نوع

                    النقص بالظبط هل هو حديد ام غيره ولكن فيما بعد علشان كدا لازم نصبر

                    وما نحكمش من خلال التحليل دا ع الانيميا انها نقص حديد

                    طيب في حالة زيادة Hb طبعا احنا ذكرنا الحالة دي بالتفصيل وهي التي ينتج

                    عنها زيادة ايضا في Hct

                    لنا تكملة بمشيئة الرحمن

                    تابعونا

                    تعليق


                    • #11
                      رد: المرجع والدليل في علم التحاليل

                      - MCV

                      وهو عبارة عن نسبة Hct الي RBCs

                      النسبة الطبيعية هي من 80 الي 110

                      في حالة انخفاض MCV مؤشر الي أن RBCs ـــــــــــــــــ microcytic

                      مثلما يحدث في حالة نقص الحديد

                      أما في حالة زيادة MCV مؤشر الي أن RBCs

                      ـــــــــــــــــــــــmacrocy tic مثلما يحدث في حالة نقص فيتامين B12

                      وحمض الفوليك

                      ملحوظة

                      هذا التحليل اكتر تخصص من HB حيث أنه يدل علي نوع الانيميا كما ذكر

                      أعلي

                      اما في حالة نقص الحديد فيتم العلاج بأملاح الحديد

                      يا اما عن طريق الفم

                      ferrous sulfate

                      ferrous fumarate

                      ferrous gluconate

                      ولا يستخدم ferric في علاج الانيميا لانه ضعيف ضعيف جداا في

                      الامتصاص فهو اضعف بكتير من FERROUS

                      كما ان ferrous يتم امتصاص 25% منه

                      كما أن احتياج الحديد اليومي لعلاج الانيميا من 50 الي 100 مليجرام يوميا

                      (ما يتم امتصاصه )

                      لذلك نحن نحتاج 200 الي 400 مليجرام حديد يوميا (يتم امتصاص 25 % فقط )

                      كما أنه يتم علاج الانيميا الي أن نصل الي نسبة الهيموجلوبين الطبيعية ومن

                      الضروري استمرار العلاج لفترة لا تقل عن 3 الي 6 شهور بعد الوصول

                      الي النسبة الطبيعية علشان نعالج بردو نقص الحديد المخزن وبالتالي تقليل عودة الانيميا مرة اخري

                      اخذين في الاعتبار ان الحديد بيعمل مشاكل كتيرة علي GIT ولكن من المشهور

                      انه بيعمل امساك ولكن ايضا الحديد يسبب اسهال

                      اقل املاح الحديد اثارا جانبية هو SULFATE علي هيئة ferrous sulfate

                      وايضا اقوي مفعول هو ferrous sulfate كأعلي امتصاص

                      ملحوظة كمان الكبسولات الي عل هيئة sustained release مافيش أي

                      فايدة منها ولا تقدم أي شىء وينتج عنها نقص الحديد المستخدم ولكنها اقل في

                      الاثار الجانبية ولكن بدون فائدة

                      او عن طريق الحقن

                      ولا نلجأ للحقن الا اذا لم تجدي الحبوب نفعا

                      ويوجد لدينا نوعين من

                      sodium ferric gluconate complex in sucrose

                      and

                      iron dextran

                      ولكن يفضل استخدام sodium ferric gluconate عن

                      dextran حيث انه

                      اقل حدوثا للــــــــ anaphylactic reaction كما أنه اكثر امانا واقل حدوثا

                      للاثار الجانبية

                      اما في حالة

                      نقص فيتامين B12 أحد اسباب حدوث الــ megaloblastic anemia

                      يتم تعويض الجسم بــ فيتامين B12 علي هيئة حقن

                      حيث ان الانسان يحتاج الي 2mcg يوميا من فيتامين B12

                      كما أنه يتم تخزين الزائد عن حاجة الجسم في الكبد حيث يستطيع تخزين من

                      3000 الي 5000Mmcg من فيتامين B12

                      لذلك الانسان الطبيعي يحتاج الي خمس سنين علي الأقل لحدوث هذا النقص

                      حتي ينفذ المخزون الكلي من الكبد وهذا أكثر حدوثا في مريض الكبد

                      او في الانسان النباتي (الي مش بياكل ولا اللحمة ولا البيض ) اكيد في ظل غلو

                      اسعار اللحمة دي كله حيجيله نقص فيتامين B12 وكمان حمض االفوليك (ابتسامة خفيفة )

                      ملحوظة يوجد فيتامين B12 علي هيئة cyanocobalamin و

                      hydroxocobalamin ولكن يفضل الاخير بفضل قوة ارتباطة

                      بالبلازما وبالتالي طول مفعوله في البلازما

                      الجرعة تتم بأعطاء من 100 الي 1000mcg من فيتامين B12 يوم بعد يوم

                      لمدة 1ــــ 2 اسبوع علشان اعوض المخزون (يعني دا حيبقي بمثابة جرعة

                      لتعويض المخزون الذي نفذ ) ثم 100 الي 1000mcg شهريا

                      أما في حالة

                      نقص folic acid وبردو دا بينتج عنه megaloblastic anemia

                      وبتكون المرأه الحامل اكثر عرضة حيث احتياجتها اليومية بتزيد من الفوليك

                      اسيد تصل الي 300 الي 400mcg يوميا

                      وأن الكبد يستطيع أن يخزن من 5 الي 20mg من حمض الفوليك لذلك تنتج

                      megaloblastic anemia من بعد توقف الانسان عن تناول الفوليك اسيد

                      من فترة شهر الي 6 شهور

                      هناك عوامل اخري تؤدي الي نقص حمض الفوليك كأستعمال ادوية مثل

                      methotrexate أو trimethoprim ولكن الاخير تأثيره ضعيف جداا علي

                      حمض الفوليك

                      ممكن renal dialysis تؤدي الي نقص كل من الفوليك اسيد وفيتامين B12

                      نتيجة التخلص منهم في هذه العملية


                      5- mean cell hemoglobin concentration (MCHbC)

                      Hb X 100
                      MCHbC =ـــــــــــــــــــــــــــــ ــــــــــــــ
                      Hct

                      النسبة الطبيعية للــــ MCHbC من 31 الي 37

                      في حالة نقصان MCHbC هذا يدل علي

                      hypochromia (pale RBCs resulting from decreased Hb ******* )

                      مثلما يحدث في حالة نقص الحديد



                      6- the reticulocyte count

                      ودا بيقيس كرات الدم الغير ناضجة

                      provides a measure of inmmature RBCs

                      والخلايا الغير ناضجة دي تسمي reticulocyte

                      وبالتالي الاختبار دا بيعرفني مقدار كرات الدم الحمراء الغير ناضجة التي ينتجها

                      bone marrow

                      النسبة الطبيعية للـــ reticulocyte من 0.1 % الي 2.4 % من total RBCs

                      في حالة زيادة reticulocyte هذا يحدث في حالة فقدان الدم الشديد

                      او

                      hemolytic anemia او في حالة نقص الشديد لكل من الفوليك اسيد وفيتامين

                      بي 12 والحديد

                      أما في حالة نقصان reticulocyte غالبا بيكون

                      a drug inducid aplastic anemia


                      7-erythrocyte sedimentation rate (ESR
                      النسب الطبيعية بتكون الاتي

                      الرجال من 0 الي 20mm\hr

                      النساء من 0 الي 30mm\hr

                      وطبعا بيزيد ESR في حالة العدوي


                      increase in acute or chronic infection ,tissue necrosis

                      ,and rheumatoid collagen disease

                      وطبعا انا اعتمادي علي التحليل دا في الاتي فقط لانه مش مخصص لاي عدوي

                      يأما عاوز اعرف العلاج بتاعي بيجيب نتيجة والالتهابات بتقل ولا لا

                      او اني افرق بين

                      angina pectoris في الحالة دي ESR بيكون في القيم الطبيعية بتاعته

                      و

                      myocardial infarction ودي بيكون ESR علي عن الطبيعي

                      والمرضين دول بيكونو ليهم نفس الاعراض

                      ان شاء الله ممكن نتعرض ليهم ولكن فيما بعد

                      تابعونا ....................

                      تعليق


                      • #12
                        رد: المرجع والدليل في علم التحاليل

                        ودلوقتي جاء دور كرات الدم البيضاء

                        WBCs
                        أو
                        leukocytes

                        وعدد كرات الدم البيضاء الطبيعية بتكون من 4000 الي 11000 كرة دم بيضاء

                        في المليميتر المكعب

                        طيب 1- في حالة زيادة كرات الدم البيضاء عن 11 الف دي

                        بنسميها ـــــــ leukocytosis

                        ولما تزيد كرات الدم البيضاء دا بيديني اشارة انه في الغالب يوجد عدوى .

                        كما أن leukemia و tissue necrosis و أخذ الكورتيزون

                        تكون ايضا كرات الدم البيضاء مرتفعة .

                        ولكن في الغالب عندما ترتفع كرات الدم البيضاء دا بيدل على انه يوجد

                        عدوى بكتيرية (systemic )

                        طيب نبذ مختصرة عن مرض leukemia أو ما يطلق عليه سرطان الدم

                        اولا احنا عارفين ان خلايا الدم الحمراء والبيضاء والصفائح الدموية بتتكون من

                        نخاع العظام (bone marrow ) من خلايا اسمها stem cell

                        والطبيعي انه بيتم تكوين هذه الخلايا لفترة معينة ثم بتكبر هذه الخلايا يقوم

                        الطحال يتخلص من الخلايا دي وبعد كدا نخاع العظام ينتج خلايا تانية مكانها

                        تمام كدا

                        طيب في حالة leukemia ايه الي بيحصل ؟؟؟

                        دا مع خلايا الدم البيضاء حيث ان خلايا الدم البيضاء الي اصبحت

                        (leukemia ) اتكونت وبتبدأ تتكاثر وبتمشي في الدم مع الخلايا العادية السليمة

                        ولكن هذه الخلايا بلا فائدة يعني مش بتكون او بتقدر تحمي الجسم (ليست كمثل

                        كرات الدم البيضاء العادية )

                        بل كمان الخلايا دي مش بتكبر ومش بيحصلها انها تموت وبالتالي بتزيد في

                        عددها وبتبدأ تحل مكان الخلايا الاخري من الصفائح الدموية او كرات الدم

                        يعني الجسم بيفقد قدرته علي مقاومة الامراض زائد ان كرات الدم البيضاء دي

                        (leukemia ) بتزيد جدااا مش بيحصلها احلال (انتم متخيلين الكارثة الي

                        بتحصل ولا لا ؟؟ )

                        يعني في الحالة دي بيكون نسبة كرات الدم البيضاء عالية جدااا وغالبا ما تكون

                        كل من الهيموجلوبين والصفائح الدموية منخفضة .


                        الاسباب

                        طبعا بتوقع ان الاشخاص الي بيتعرضو للاشعاعات بيكونو اكتر عرضة من غيرهم

                        التدخين

                        الناس الي بيستخدمو X-rays

                        الوراثة


                        الاعراض

                        (الي ممكن من خلالها تشك ان في leukemia طبعا بجانب التحليل )

                        بتكون lymph nodes السطحية منتفخة وظاهرة وبالاخص في علي الرقبة

                        تعليق


                        • #13
                          رد: المرجع والدليل في علم التحاليل

                          تابع محاضرة الدكتور عمرو القاضي :

                          بينقص وزنه بصورة ملحوظه

                          بيحصله تعرق شديد عند النوم

                          بيشعر بالتعب باستمرار

                          الم في المفاصل بصفة مستمرة

                          كل شوية بيحصله عدوى تكرار العدوي باستمرار

                          طبعا بيتم فحص الدم زي ما ذكرنا

                          زائد انه بيتم اخذ عينة من bone marrow للتاكد

                          طبعا العلاج بيكون عن طريق الادوية الحيوية زي infliximab وغيره

                          وممكن ساعات بنشيل الطحال لو كان حصله تضخم شديد


                          طيب 2- في حالة نقص كرات الدم البيضاء يعني بتقل عن 4 الاف خلية

                          دي بتسمي leukopenia ويحدث النقص في حالة ان

                          bone marrow مش قادر ينتج خلايا جديده

                          (bone marrow depression )

                          ويكون السبب في ذلك metastatic carcinoma أو lymphoma أو

                          استعمال antineoplastic agents

                          وتتمثل كرات الدم البيضاء من خمس خلايا هي

                          neutrophils

                          lymphocytes

                          monocytes

                          eosinophils

                          basophils

                          وحنتعرف علي كل واحدة فيهم ان شاء الله ولكن في المحاضرة القادمة بمشيئة

                          الرحمن

                          تعليق


                          • #14
                            رد: المرجع والدليل في علم التحاليل

                            وتتمثل كرات الدم البيضاء من خمس خلايا هي

                            neutrophils

                            lymphocytes

                            monocytes

                            eosinophils

                            basophils

                            وكل واحدة من دول بيكون ليها نسبة بحيث يكونو في الاخر العدد الكلي لكرات الدم البيضاء الي بنسميها WBCs differential

                            أولا

                            neutrophils

                            ودي بتكون نوعين نوع ناضج ودا بيسمى

                            polymorphonuclear leukocytes or polys

                            أو

                            segmented neutrophils or segs

                            أما الجزء الغير ناضج من neutrophils بيسمى

                            bands or stabs

                            علشان لما تكتب اي شىء من الاسماء دي في التحليل نكون عارفين دا بيدل

                            علي ايه ؟؟ تمام

                            وبتعتبر الـــ neutrophils دي الجناح العسكري الاول الي بيدافع عن

                            الجسم ضد أي عدوي او في حالة حدوث اي تلف في أي عضو تلاقي الخلايا

                            دي علطول بتروح مكان العدوي او التلف دا وتحاول تتدافع عن الجسم .

                            طيب النسبة الطبيعية للــــــ neutrophils الاتي

                            احنا قولنا انها منها ناضج وغير ناضج تمام

                            الجزء الناضج (تحت اي اسم من الي فوق ياريت تكونو مركزين )

                            يعني تتكتب polys او segs أو segmented أو

                            polymorphonuclear

                            أي اسم من دول

                            والنسبة الطبيعية له من 50 الي 70

                            أما الجزء الغير ناضج (تحت اي اسم بردو )

                            bands او stabs

                            بتكون النسبة الطبيعية من 3 الي 5 خلايا

                            طيب في حالة زيادة الخلايا neutrophils وفي الحالة دي بنسميها

                            neutrophilic leukocytosis

                            والزيادة دي بتديني indication انه يوجد عدوى بكتيرية (systemic )

                            زي حالات مثلا pneumonia

                            وفي حالة زيادة الخلايا دي بيزيد ايضا كل من الجزء الناضج والجزء الغير

                            ناضج تمام.

                            ايضا لا ننسي ان الخلايا دي ايضا بتزيد في حالة بعض العدوي الفيروسية زي

                            chickenpox , herpes zoster , rickettsial disease

                            وان شاء الله بردو حنعرف نفرق بين العدوي الفيروسية والبكتيرية ودا

                            حيوضح بعدين

                            ايضا تزيد هذه الخلايا في حالة العدوي الفطرية وفي حالة stress وممارسة

                            التمارين

                            ولكن في الغالب بتكون عدوى بكتيرية كما وضجنا قبل كدا

                            ولا ننسي ان الخلايا دي تعتبر خط الدفاع الاول بتزيد في حالة العدوي زي ما

                            قولنا

                            كمان بتزيد في حالة تلف اي عضو زي حالات

                            acute rheumatoid fever ,rheumatoid arthritis, acute gout

                            أو في حالة موت الخلايا لبعض الاعضاء زي

                            myocardial infraction ,burns, certain cancer

                            وبعض الامراض دي حنشرحها نبذة مختصرة عنها ولكن في تحاليل اخري

                            تخصها

                            أو في حالة leukemia زي ما وضحت قبل كدا

                            أو في حالة استعمال بعض الادوية زي epinephrine و lithium

                            ومافيش حد يقولي انا كدا اتلخبطت لان النتائج عندي كتيره . حقوله اصبر

                            شوية . معظم الامراض دي ليها تحاليل منفصلة حنتأكد بها اكتر

                            بس احنا ممكن نعتبر ان زيادتها يدل علي وجود بكتيريا مع ايقاف التنفيذ (ابتسامة )

                            بس بردو لا تقلق لان من خلال تحليل كرات الدم البيضاء ككل حتتعرف علي

                            نوع العدوي ان شاء الله

                            طيب في حالة نقص neutrophils ودا بيسمى neutropenia

                            وهذا يحدث في حالات العدوي الفيروسية زي (mumps,measles )

                            وبيكون نخاع العظام (bone marrow ) في هذه الحالة مش قادر ينتج هذه

                            الخلايا او احتياجات الجسم

                            تاني نوع

                            basophils

                            ودي بتزيد في حالة leukemia وبعض الحالات chronic الاخري

                            وتسمي في هذه الحالة بـــ basophilia

                            وتقل هذه الخلايا في حالة العدوي البكتيرية ولكن نظرا لقلة عددها فبتبقي غير

                            مميزه ولكن في الغالب بتكون (صفر) في حالة العدوي البكتيرية

                            حيث تكون النسبة الطبيعية هي من 0 الي 1

                            تالت نوع

                            eosinophils

                            وتزداد هذه الخلايا في حالات الحساسية (allergic reaction )

                            زي حالات

                            asthma , hay fever , drug allergy ,

                            كما انها تزيد ايضا في حالات

                            parasitic infection زي trichinosis او amebiasis

                            وتسمي في هذه الحالة eosinophilia

                            وتكون النسبة الطبيعية من 0 الي 5

                            معلشى اذا كانت المحاضرة دي رخمة شوية او مبهمة المعالم ولكن كتير من

                            الحاجات دي حيوضح فيما بعد

                            يبقي كدا ناقص محاضرة واحدة فقط في تحليل صورة الدم كاملة

                            بقيت كرات الدم البيضاء والصفائح

                            تابعونا ....................

                            تعليق


                            • #15
                              رد: المرجع والدليل في علم التحاليل


                              واليوم ان شاء الله حنخلص تحليل صورة الدم الكاملة وبعد كدا

                              مش عارف اذا كنت حدخل علي تحليل البول ام الانزيمات الله

                              المعين وربنا ييسر الامور بس ان شاء الله احنا مكملين مع بعض لغاية ما تزهقو مني


                              ودلوقتي نكمل كرات الدم البيضاء

                              احنا اتكلمنا عن

                              neutrophils ,basophils,eosinophils

                              ودلوقتي جاء دور Lymphocytes

                              النسبة الطبيعية لهذه الخلايا من 20--40

                              في حالة زيادة هذه الخلايا تسمى lymphocytosis

                              وزيادة هذه الخلايا يرتبط ارتباط وثيق بالعدوى الفيروسية

                              خصوصا اذا كانت عدد كرات الدم البيضاء طبيعي او دون الطبيعي

                              وهذا الزيادة للتفرقة بين العدوى البكتيرية والعدوى

                              الفيروسية حيث ان هذه الخلايا تكون في حالة العدوى

                              البكتيرية أقل من الطبيعي او طبيعي

                              في حالة نقص هذه الخلايا تسمى بـــ lymphopenia

                              ويحدث هذا النقص نتيجة مرض مناعي او ضعف

                              المناعة او كما في حالة التهاب البكتيري


                              Monocytes

                              والنسبة الطبيعية لهذه الخلايا من 0 -----7

                              في حالة زيادة هذه الخلايا تسمي monocytosis وتزداد

                              في حالات tuberculosis و subacute bacterial endocardits

                              كما انها تزداد في حالة قرب الشفاء

                              من الميكروب

                              وطبعا مش معقول حتقل عن الصفر

                              وبكدا خلصنا كرات الدم البيضاء

                              تعليق

                              يعمل...
                              X