إعـــــــلان

تقليص
لا يوجد إعلان حتى الآن.

اجر الصيدلى حديث التخرج

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اجر الصيدلى حديث التخرج

    سلام عليكم ورحمه الله وبركاته
    كنت عايزه اعرف من الساده الافاضل اللى فى المنتدى العزيز
    ساعه الصيدلى حديث التخرج بتبدأ من كام
    لانى مش عارفه بصراحه وعايزه افهم ومش عايزه احس انى بيضحك علييا لانى بلاقى صيدليات عارضه علييا شغل وعايزه اعرف الاجر فحدود كام علشان يبقى عندى علم مسبقا وماحدش يستغلنى لانى خبرتى مش كبيره فالاجور او بصراحه ماعنديش خبره وحاسه انى تايهه خالص
    وياريت حد يقولى هو الاجر بيتحسب ازاى انا اعرف انه بالساعه بس مش فاهمه بتتحسب ازاى بالضبط يعنى ياريت حد يقولى وهل الاجازات بتتخصم من الاجر ولا ايه وهل لو جيت فيوم مثلا اشتغل 4 ساعات بس وانا مثلا كنت متفقه على 6 ساعات بيتحسب ازاى الاجر النهائى
    معلش انا لسه جديده و عايزه حد يفيدنى
    جزاكم الله خير

  • #2
    رد: اجر الصيدلى حديث التخرج

    مرتب الصيدلى حديث التخرج يختلف من محافظة لاخرى على مستوى الجمهورية وهذا ايضا فى جميع دول العالم ...
    وبداية من هذا العام اعتقد ان مرتب الصيدلى حديث التخرج ولكن بشرط ان يكون لة سابق خبرة عن الادوية حتى ولو بسيطة فانة يبدأ ب100 جنية للساعة الشهرية
    ويتم حسابه كالتالى نقوم بجمع عدد ساعات العمل طوال الشهر حتى ولو اختلفت من يوم لاخر ثم نقسم الناتج على 26 ثم نضرب الناتج النهائى فى سعر الساعة الشهرية 100 فى هذا المثال.
    وبالنسبة لسلاسل الصيدليات مثل العزبى وسيف وصيدليات مصر فبيكون الرقم اعلى من كدةمع ملاحظة الاستفادة القصوى لانك هتشوفى كل انواع الادوية المحلية والمستوردة

    تعليق


    • #3
      رد: اجر الصيدلى حديث التخرج

      اولا الف شكر بس معلش انا فيه حاجه مش فاهماها بعد اذن حضرتك ليه بقسم على 26 دى انا مش فاهمه انا فاكره لو بشتغل 6 ساعات هنضرب 100 فى سته ويبقى 600 جنيه بس شاكلى فاهمه غلط ياريت الايضاح شويه

      تعليق


      • #4
        رد: اجر الصيدلى حديث التخرج

        معليش انا مالي دخل بالموضوع بس بنقسم على26يوم لان ايام العمل فالشهر26يوم لان كل اسبوع اجازه(راحه)يوم واحد
        وتقبلو مروري

        تعليق


        • #5
          رد: اجر الصيدلى حديث التخرج

          لحساب الأجر الشهري نقوم بضرب عدد ساعات العمل اليومي المتفق عليها - 6 ساعات مثلا - في سعر الساعة - 100 كما في المثال المذكور = 6 × 100 = 600 جنيه شهريا . و المعتاد التسامح و التساهل لو حدث بعض النقص في عدد الساعات في يوم من الأيام لبعض الظروف .

          تعليق


          • #6
            رد: اجر الصيدلى حديث التخرج

            بالظبط زى ما قال الزملاء ,,حضرتك اتفقتى على 6 ساعات الساعه 100 جنيه ..100فى 6 =600

            تقسمى 600 على 30 يوم عدد ايام الشهر )=20 جنيه (ده اجر اليوم الواحد )

            حضرتك 4 ايام اجازة فى الشهر اذا عدد ايام العمل 26 يوم ..واليوم الواحد اجره 20

            اذا 20 فى 26=520 جنيه (وده المرتب)
            sigpic

            اللهم عودتنا فضلك فلا تحرمنا فضلك

            تعليق


            • #7
              رد: اجر الصيدلى حديث التخرج

              المشاركة الأصلية بواسطة د/اسماء مشاهدة المشاركة
              بالظبط زى ما قال الزملاء ,,حضرتك اتفقتى على 6 ساعات الساعه 100 جنيه ..100فى 6 =600

              تقسمى 600 على 30 يوم عدد ايام الشهر )=20 جنيه (ده اجر اليوم الواحد )

              حضرتك 4 ايام اجازة فى الشهر اذا عدد ايام العمل 26 يوم ..واليوم الواحد اجره 20

              اذا 20 فى 26=520 جنيه (وده المرتب)
              مع كامل احترامي لو 6 ساعات يوميا والساعه ب 100 يبئا 600 المرتب مش 520
              لانها ببساطه (عدد الساعات x سعر الساعه) ÷ 26 (لان فيه اربع ايام اجازه )
              يبئا مثلا لو اشتغلت 6 ساعات يوميا لمده 26 يوم يكون عدد الساعات 156 ساعه لو ضربتهم في 100 وقسمت الناتج علي 26 يساوي 600
              ويكون اجر اليوم 23 جنيها تقريبا يعني لو في شهر 31 يوم المفروض المرتب ساعتها يكون 623 جنيها
              علشان كده بنقول علي طول لو بتشتغل بانتظام عدد ساعات يوميا 6 او 7 او 8 تضرب في سعر الساعه المتفق عليه 100 مثلا يكون ده مرتب الشهر 600 او 700 او 800 بالترتيب اما لو مش شغال بانتظام يعني يوم 10 ساعات ويوم 6 ساعات ويوم مافيش يبئا عدد الساعات في سعر الساعه علي 26 يكون المرتب
              اسف للاطاله و تكون الفكره وصلت
              د.مجدي العـــــطار

              Magdy el3attar

              تعليق

              يعمل...
              X