إعـــــــلان

تقليص
لا يوجد إعلان حتى الآن.

يوميات صيدلي في السعودية -1

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • يوميات صيدلي في السعودية -1

    [FONT='Arial','sans-serif']الحقيقة ان انت لو جاي السعودية اول حاجة تلغي اي افكار تعرفها عن السعودية سواء كانت بالخير او بالشر وماتسمعش كلام حد ان الشعب هنا مش كويس هوا زيه زي الشعب المصري تمام فيه الكويس وفيه المش كويس وانت مش صغير هتعرف تتعامل مع دا ومع دا [/FONT]
    [FONT='Arial','sans-serif']ممكن هتلاقي المعاماة من الادارة جافه شويه يعني مش هتلقي حد يستقبلك في المطار وهتروح لواحدك الشغل هتحس انهم مش عايزينك ودا بسبب ان هم معندهمش وقت غير للشغل وكل واحد ملوش دعوة الابنفسه وعاوز يخلص دوامه ويروح[/FONT]
    [FONT='Arial','sans-serif']هتتفاجأ ان البلد مليانه مصريين وانت فاكر ان اول ماتشوف واحد مصري هياخدك بالحضن وهيرحب بيك ودا حلم انت بتحلمه لان زي ماقولتك البلد مليانة مصريين وكل واحد في حالة شغله ومن بعده الطوفان[/FONT]
    [FONT='Arial','sans-serif']كمان هتلاقي جنسيات تانيه زي السودانيين السوريين الهنود والبنجال دول حاول تتجنبهم خصوصا لوكانو معاك في الشغل والمصريين كمان وخصوصا المصريين لوكنت عاوز الحقيقة للامانة لانهم دايما بيحبو يوقعو الناس في المشاكل[/FONT]
    [FONT='Arial','sans-serif']اول ماتوصل السكن هتلاقي زملائك لوكنت رايح علي مجموعة صيدليات هتلاقي جزء موجود ودزء مش موجود وعادي برضو معاملةجافة هيقوللك حمدا لله علي سلامتك وبعدين هيتابع اللي كان يعمله يعني لو كان نايم هيرحع يكمل نوم ودا شئ عادي لانه اتعمل معاه اول ماكان جاي[/FONT]
    [FONT='Arial','sans-serif']المعاملة جافه من كل الناس ودي شئ عادي لواحد متغرب وخصوصا اول مره في بلد ما يعرفهاش ممكن تلاقي بعض متكونش فكرة الا بعد 3 اسابيع عن الناس والمكان وتكون سمعت من دا وشوفت دا لان المظاهر بتخدع[/FONT]
    [FONT='Arial','sans-serif']الحقيقة ممكن تنصدم صدمه كبيرة في السكن وميكونش سكن ادمي بالمره ولكن ممكن تلاقي عشة فراخ ودا لحاجة ان اخواتك الصيادلة كل واحد في وادي مفيش اهتمام بنظافة الشقة[/FONT]
    [FONT='Arial','sans-serif']المهم اول ماتسأل اسأل عن مكان الاكل فين يعني البقالة " التموينات" "السوبر ماركت" المطاعم(دايما يببيع كبسه –مفطح –بروستد-شاورمة –كباب) مش الكل طبعا-المحل اللي يبيع فول يسموه بوفيه- الفرن عندهم بيعمل حاجة اسمها تميس ودا زي العيش الشمس الموجود في الصعيد طبعا كله زيت حاول تجربه.الفول ليه انواع فول عادي- فول جره –فول طاوه-وبعض الانواع اللي معرفهاش كذلك الخبز= العيش العادي[/FONT]
    [FONT='Arial','sans-serif']الكبسه دي عباره لحم وارز ممكن لحم دجاج او لحم بقر اوجمال وكمان ليها انواع منها المضبي والمفطح ومتسألنيش الفرق لاني معرفش نعم بقالي 3 سنين صد رد بس محاولتش اجرب حاجات كتير[/FONT]
    [FONT='Arial','sans-serif']كل وزبط نفسك يعني نام شويه طبعا انت اتصلت بالاداره وعرفت انت هتنزل الصيدليه تدريب متي.في ناس تنزل في نفس اليوم وناس تاني يوم وناس اول الاسبوع وناس اول الشهر[/FONT]
    [FONT='Arial','sans-serif']نسيت اقولك حاجة ان خلي معاك صور كتير من اوراقك كلها كمان نسخ منها في الصيدليه اللي بتدرب فيها والسكن يعني جاهز في اي وقت طبعا خد من مصر صور شخصية حديثة ليك كتير مثلا 30 صورة لان الصور هنا غاليه والجودة سيئة[/FONT]
    [FONT='Arial','sans-serif']برضو معاك جوالك اللي جايبه معاك من مصر وتشتري اول ماتزل خط ليه بجواز سفرك وتكون طمنت اهلك بوصولك بالسلامة. تمام في ناس بتعمل عمرة قبل ماتصل لمكان العمل ودا كويس جدا ياريت تحاول تعملة وعلي فكره الموضوع سهل هتنزل مكة تعمل عمره يوم واحد وبعدين تكمل علي شغلك[/FONT]
    [FONT='Arial','sans-serif']طبعا اسيبك تنام وتستريح من مشوارك والمره الجايه اكلمك عن اول يوم ليك في الصيدلية[/FONT]
    [FONT='Arial','sans-serif']والسلام عليكم ورحمة الله[/FONT]
    شارك بتوقيعك علي هذا الرابط
    http://www.facebook.com/topic.php?to...5200#post80075

  • #2
    رد: يوميات صيدلي في السعودية -1

    جزاك الله خيرا
    فعلا موضوع جميل و فى انتظار البقية بسررررررررررررررررررعة

    تعليق


    • #3
      رد: يوميات صيدلي في السعودية -1

      جميله اليوميات دى جدا يا دكتور
      د/شروق

      تعليق

      يعمل...
      X