ماهى كليه العلوم ؟ ( مرحبا بخريجى الثانويه العامه )

[الكميائى]

بسم الله الرحمن الرحيم

الكثير منا لايعرف ماهى كليه العلوم وما يدرس بها من مواد واقسام ولكن يجب علينا ايضاح كل المعلومات لمن يريد ان يعرف

تعريف الكليه :

هى الكليه التى يدرس بها كل العلوم الحيه والغير حيه الخاصه بالطبيعه من حولنا
لا ندرس فيها اى من المواد الادبيه او التاريخيه ونختلف تماما عن كليه دار العلوم
والدراسه فيها باللغه الانجليزيه بالجامعات الكبرى ( القاهره - عين شمس - حلون - الاسكندريه وغيرهم )
ولكن فى الاقاليم الدراسه فى سنه اولى باللغه العربيه ( نقطه نقاش )
والدراسه على اربع سنوات ( نقطه نقاش )

اقسام الكليه الرئيسيه

1- قسم الكمياء chemistry
ويأتى تحته كل فروع الكمياء

الكمياء الحيويه

( وتدرس فيها جميع التفاعلات الخاصه بالكائن الحى وخصوصا جسم الانسان
وهى من اقوى الفروع فى الكمياء وتفتح مجلات عمل للمتخصصين فيها مثل التحاليل والادويه
وهى غير موجوده فى كل الكليات كأقسام ولكن تتدرس كمواد )

الكمياء التحليليه

( ويدرس فيها كل مايخص التحليل الكميائى لاى شئ بالقوانين والمعادلات والنظريات
وتاتى فى المرتبه الثانيه من الكمياء لارتباطها الشديد بالاجهزه التحليليه
ويكون المتخصص فيها قدر على استخدام شتى الاجهزه

الكمياء العضويه

( ويدرس فيها كل مايخص العضويه من تفاعلات خارج الجسم وفى التربه وفى الطبيعه
وهى مرتبطه كثيرا بالصناعه فى مختلف المجالات )

الكمياء الصناعيه

( ويدرس فيها المواد الصناعيه مباشره وبعض المؤثرات والعلاقات فى الصناعه )

وهناك مواد اخرى كثيره ولكن لن اعرف وصفها بالعربى او حتى اسمها مثل
spectroscopy- sterochemistry- inorganic chemistry - physical organic- quantm- natural product - and more


ومن هنا تجد ان الكمياء هى من اهم متطلبات سوق العمل لانها تدخل فى الكثير من المجالات لذلك قامت الكثير من
كليات العلوم بوضع التخصص المذدوج مع اى فرع اخر يعنى التخصص ومعاه الكمياء

لعلمك اقوى قسم كمياء هو علوم القاهره واقوى كمياء حيوى هو عين شمس

والعيب الموجود فى الدراسه بالنسبه للكمياء لايوجد تخصص للجوده فى كليات العلوم على الرغم من ان معظم العاملين فى مجال الجوده كميائيين

2 - قسم البيولجى

وينقسم الى ثلاث اقسام

قسم zoology علم الحيوان

وده قسم من اقوى الاقسام وتتدرس فيه كل مايخص الحيوان والطفيليات من تشريح ومناعه وفسيولجى وسلوك وتقسيم و وراثه وغيرهم ويختص ايضا بامراض الدم للتحاليل وغيره
طبعا قسم ابحاث ومواد بحثيه

قسم Botony علم النبات

ويختص بدراسه كل مايتعلق بالنبات من تشريح ومناعه وفسيولجى وسلوك وتقسيم و وراثه وغيرهم ويختص ايضا
بدراسه الفيروسات

قسم entomology الحشرات
ويختص بدراسه الحشرات من تشريح وفسيولجى وسلوك وتقسيم و وراثه وغيرهم ويختص ايضا
بمقاومه الافات والحشرات ( الجراد)

وهناك قسم microbilogy الميكرو بيولجى

وده مهم جدا زى الكمياء الحيوى ويختص بدراسه الكائنات الدقيقه ودايما بتوع حيوان ونبات بيتنافسوا عليه
لاهميته فى الابحاث

وطبعا لاننسى ان كل من هذه التخصصات مذوج مع الكمياء حتى يسهل وجود فرصه عمل فى بلد لاتعرف معنى للبحث العلمى

ويأتى بعد ذلك

قسم الجولجيا

وهوقسم يختص بدراسه سطح الارض ومافيها من معادن وغيره

قسم الفيزياء

قسم خاص بالتجارب والقوانين والعلاقات الرياضيه والدوائر الكهربائيه

قسم الحاسبات والرياضه

وهوقسم قوى جدا ومعقد جدا ولكنه مطلوب فى سوق العمل

قسم الفلك والارصاد الجويه

مش عارف عنه اى حاجه غير ان اللى بيدخله بيكون لوحده غصب عنه بيطلع معيد



اعتذر عن الايجاز فى تلك الاقسام لانها ليست تخصصى


وكان هذا موجز عن الاقسام الاساسيه فى كليات العلوم المصريه

التنسيق

تاتى كليه العلوم فى المرتبه الثالثه فى كليات القمه العلميه
فهى لاتتخلف كثيرا عن كليات الطب والصيدله والعلاج الطبيعى واسنان والهندسه بانواعها
ولكن من الملاحظ ارتفاع الحد الادنى خلال السنوات الماضيه
اعتقد الحد الاعلى وصل 93% العام الماضى
واكيد هيزيد مع مرور الزمن

وتتوزع كليات العلوم فى جميع جامعات مصر من اسكندريه الى اسوان
ولكن ليس هناك اى تنسيقبين هذه الكليات وبعضها
فمواد الدراسه هنا والاقسام تختلف تمام عن هناك وهكذا

واقوى الكليات هى التى فى المحافظات الكبرى على الرغم من معظم اعضاء هيئه التدريس فى اصغر الكليات من ذوى الكفاءه العلميه والعمليهواكيد سافروا للخارج عده مرات

وبعد دخولك الكليه تقوم بكشف طبى اى كلام وعمى الوان
وعلى الرغم من ان الدراسه تعتمد فى العملى على الالوان الاانه ليس له قيمه هذا الكشف

نظام الدراسه :

اربع سنوات ممكن اكتر مش اقل
الدراسه باللغه الانجليزيه فى الجامعات الكبرى
ولكن الاقاليم فى اولى بالعربى وده طبعا نقطه ضعف مهمه جدا


تنقسم سنه اولى الى مجموعات عامه تؤهلك لدراسه والتخصص بعد ذلك
والمجموعات على حسب مواد الثانويه العامه ودرجاتها

الصف الثانى تكون تخصص عام مثل بيولجى
الصف الثالث والرابع تخصص اكتر مثل حيوان - او غيره

ده طبعا مع تخصص الكمياء اللى بيطبق فى الجامعات الكبرى

وطبعا التخصصات الحلوه هتلاقيها بتقدير لدخولهامن سنه 2
زى كمياء منفرد - كمياء حيوى - قسم حيوان - ميكروبيولجى - قسم نبات


فى امتحانات اسمها midterm ودى بتكون بعد اول شهر او اسبوعين
وبعدين قبل النظرى بشهر او اقل العملى
وبعدين النظرى مادتين فى الاسبوع

اصعب سنه فى ناس بتقول اولى وناس بتقول 3 او 4
بس الكل اجمع ان 2 اسهل سنه

فى نظام الساعات المعتمده وده قلب كل الموازين وانا لم اجربه ولكن بشجعه جدا


واحب اقول ان كل ده بيختلف من جامعه لاخرى وكل لما تروح الاقاليم بيكون الموضوع اسهل فى كل شئ

العمل
طيب انت خلصت الكليه هتشتغل ايه ؟

انا عن نفسى عرفت هشتغل ايه لما فعلا خلصت ونزلت سوق العمل
المجالات المتاحه

انت اسمك كميائى او لو تخصص مذوج ممكن تسمى نفسك بالتخصص الثانى (بيولجى -جولجيى - فيزيائى )

المجالات المتاحه فى سوق العمل كتير جدا ولكن اشهرها

( اخصائى تحاليل طبيه - مهندس جوده - باحث- مهندس بترول - مندوب شركات ادويه medical rep.
التدريس فى المدارس بكافه مراحلها -- التدريس فى الجامعات الخاصه - تخصصك نفسه كميائى او فيزيائى )


مع التنيه على ان المسمى الوظيفى والتفاصيل تختلف من مكان الى اخر وعلى حسب شخصيتك هتفهم بعدين

التحاليل الطبيه :

عند تخرجك من الكليه اسمك كميائى ولكن عند حصولك على دبلومه او ماجستير بتقوم باستخراج كارنيه اخصائى
على الرغم من التعيين فى الحكومه تحت مسمى وظيفه اخصائى تحاليل دون دبلومه او ماستر

فى المعامل الكبيره نوعين
sampling سحب عينات مرتبها يبدا من 300 ويصل الى 1000 او اكتر على حسب المكان والزيارات
chemist كميائى واحدات وتعمل على اجهزه التحاليل الطبيه فىالوحدات 400 جنيه

او معمل صغير تشتغل فيه سحب ويدوى وده على حسب مستواك الاحترافى وخبرتك يبدا من 300
وبتكون المده فيه قليله

الجوده :

لايعمل الكثير منا فى الجوده على الرغم من فلوسها الكتير ولكن لاسباب الاتيه

الجوده يعمل بها خريجى الجامعه العماليه بتخصص يسمى جوده
خريجى هندسه
خريجى علوم
خريجى صيدليه
(مصانع الادويه والمتستحضرات )

وتنقسم الجوده الى جوده معمل وهى تابعه فى الغالب الى مدير المصنع وجوده انتاج وهى تابعه للانتاج
يعنى واحده سلطه والتانيه فلوس اكتر
المرتبات فى الشركات المحترمه تبدا من 800 +200 يعنى حوالى الف

البترول :

وده انا سمعت عنه كلام كتير اوى
اول حاجه شركات خدمات بتروليه ودى مرتبهازى ماسمعت حوالى لف ونص ووحشه
شركات البترول ودى لن اتحث عن مراتبتها عشان الحسد 2000 دولار

بتشتغل فى المعمل او بتحضر mud وهى الواد المسئوله عن زوبان التربه

بصوا انا زهقت اى حتى فيها معمل اى كان ممكن نشتغل فيها
وياريت اسمع الردود والتعليقات ورسائل الشكر

[هبة الله]

فكرة حلوة فعلاً
بالذات انه موجه للطلبة الجدد

[dr_mido]

اية الجديد ما الحاجات دي احنا عرفينها

[Dr.Eman]

مشكور كل الشكر على هذه المعلومات المفيدة
مع انى اعرف معظمها ..
ومع كل ماذكرت من وظائف أنا لا أجد عملا
وذلك بسبب اننى اسكن فى الاقاليم و لست من سكان القاهرة
او المحافظات المهمة
لذلك كل ماهو متاح لى من عمل هو سحب العينات فى اى معمل مرتبها
لا يزيد عن 200 جنيه او انى اشتغل medical rep.
ويطلع عينى لف و مرتبها 800 او يقل ده نظرا لان معظم الشركات الجامده
مابتقبلش خريجى علوم؟؟؟؟؟؟؟
ومشكووووووووور مرة أخرى لافادتنا وأسفة لو تسبب فى احباط حد .....

[الكميائى]

دائما تشعر وكأن كل خريج علوم عباقره
حتى فى ردودهم
طيب لعل وعسى حالنا يتغير
ونبقى عباقره فى تطوير نفسنا

[العقرب السام]

مشكور جدا على موضوعك بس بيتهيالى ان الانسان بيضيع نفسه لو خشها

[زيزو1900]

مشكور جدا على موضوعك بس بيتهيالى ان الانسان بيضيع نفسه لو خشها

ليه دلوقتي كليه العلوم فيها اقسام كويسه جدا جدا فيها

[زيزو1900]

ده بعض اقسام كليه العلوم



1-قسم كيمياء سبيشيل (يشمل دراسه الكميا التحليله والعضويه والفزيائيه والغير عضويه و الكيمياء التطبيقيه و الصناعيه و الكيما ءالحيويه)
الشغل: كميائيين في مصانع الادويه والكيماويات و شركات مستحضرات التجميل شركات اصباغ وبلاستك وحديد وصلب و
1-مصانع الزيوت والدهون والصابون والمنظفات الصناعية والصناعات المتعلقة بها – المواد الوسيطة والأصباغ العضوية – المذيبات ومشتقاتها – مواد الصباغة – صناعة الجلود – المواد العطرية – الزيوت الطبيعية أو البترولية – مواد مستحضرات التجميل – تكرير البترول ومشتقاته والصناعات البتروكيماوية – الراتنجات والكاوتشوك والبلاستيك واللدائن – المبيدات – المواد الغذائية والجيلاتين – عمليات التبييض والصباغة والطباعة والتجهيز للألياف الطبيعة والصناعية – صناعة الألياف الصناعية كالحرير الصناعي والنايلون – الأسمدة العضوية – عمليات التخمير – تكرير السكر والصناعات المتفرعة منه – حفظ الأغذية والمشروبات – استخلاص السليلوز- وصناعة الورق – تقطير الفحم والقطران و صناعة الكوك – الجلود الصناعية – كيميائيات التصوير الفوتوغرافي - الكيماويات المعملية وغيرها من الصناعات التي تدخل في أي فرع من الفروع السابقة وتطبيقاتها – الكيمياء التخليقية التي تدخل في مجال صناعة الأدوية أو الصناعات الأخرى التي لم يرد ذكرها عاليه أو ما يستحدث في علوم الكيمياء


2- صناعه البطاريات الجافة والسائلة وبطاريات و خلايا الوقود - الطلاء الكهربي بأنواعه المختلفة – استخلاص المعادن بالطرق الكهربائية – صناعات التحليل الكهربي لتحضير العناصر المختلفة مثل الكلور والصوديوم والألمنيوم – تحضير الغازات الصناعية المختلفة – المعالجة الأنودية والتلوين – تنقية المياه وصرف المصانع بالطرق الكيميائية والكهروكيميائية في الأمن الصناعي - تنقية الهواء – تكنولوجيا المساحيق واستخدام العوامل الحفازة – مراقبة و تأكيد الجودة وتطبيق الجودة الشاملة - التعرف على التآكل ومسبباته فى الأجواء المختلفة خاصة فى المنشآت والتجهيزات المعدنية الصناعية والبترولية والبحرية – تحضير مثبطات التآكل واستخدامها فى الصناعات المختلفة مثل الصناعات البترولية والمراجل البخارية والمبادلات الحرارية والصناعات المعدنية مثل صناعات الحديد والصلب بأنواعه المختلفة – السبائك وأنواعها المختلفة وصناعة النحاس والألمنيوم – متابعة سرعة التفاعلات الكيميائية وآلياتها.

3-صناعة الأحماض والقلويات، الأملاح بجميع أنواعها – نواتج تفحيم الخشب وتثبيت النتروجين والصناعات المتعلقة به – الأسمدة الكيميائية بأنواعها المختلفة – مواد الطلاء المعدنية والبويات – صناعة الزجاج والخزف والصيني والحراريات ومواد البناء (اسمنت، جبس .. الخ) – صناعة الحديد والصلب واستخلاص المعادن بالطرق المختلفة – صناعة المطروقات – صناعة السبائك – صناعة الوقود الصلب والسائل والغازي وكذلك صناعة المواد غير العضوية المختلفة التي تدخل تحت أي فرع من الفروع السابقة أو تطبيقاتها – العمليات الكيميائية في الصناعات التي لا تدخل تحت بند الصناعات الكيميائية

4- تحليل الخامات والمواد الأولية والوسيطة والمنتجات النهائية في الصناعات السابق ذكرها – مطابقة مواصفات المنتجات للمواصفات القياسية – التعرف على المكونات الرئيسية للمواد الكيميائية بالطرق التحليلية الكيميائية والفيزيائية المختلفة – تحديد نسب الشوائب والملونات في النواتج الكيميائية الصناعية – تحلية وتحليل المياه ومعالجتها المستخدمة في الصناعة والتعرف على انسبها للعمليات الصناعية التي تدخل فيها – تدوير النفايات الكيميائية – تحليل عينات من الهواء والماء والتربة في البيئة – التحليل الكمي للمواد الغذائية ومواد التلوين والإضافات الكيميائية في نطاق المواصفات القياسية المعمول بها – الإسهام في تقدير الجودة للمنتجات الكيميائية في نطاق المواصفات القياسية المعمول بها – الإسهام في تقدير الجودة للمنتجات الكيميائية المختلفة وتقرير مدي مطابقتها للمواصفات المقررة ومدي مناسبتها للاستخدام في الأغراض المختلفة – متابعة سرعة التفاعلات الكيميائية أو آلياتها عن طريق تحليل النواتج المناسبة أثناء حدوث التفاعل في مفاعلات الإنتاج (تحليل السوائل تحليل الغازات) أو عن طريق اخذ عينات دورية من نفايات الإنتاج – التحليل الكيميائي والبكتريولوجي للمواد الكيميائية والأدوية والمحاليل والبول والدم والمصل وفقا للشروط المتطلبة في القائمين بهذه التحاليل – التحليل الدوري للآثار والمقتنيات الفنية للتعرف على مقدار ما قد يكون قد أصابها من تلف تحت الظروف التي توجد فيها والإسهام في صيانتها وترميمها والمحافظة عليها – تحليل السموم والمخدرات وآثار الجرائم المختلفة وأعمال التزوير والتزييف في نطاق الأدلة الجنائية والنظم القانونية والشرعية.

5- إجراء البحوث ورصد الملوثات المختلفة وقياس نسبها ومقارنتها بالمعايير القياسية المحددة لها ، ووضع المعايير للمكونات المختلفة للهواء والماء والتربة والمخلفات الصناعية ومعالجتها ، وتقدير مدي الأضرار على البيئة المحيطة والكائنات الحية الموجودة بها (إنسان ، حيوان ، نبات) وكذلك الاشتراك في وضع المعايير المشار إليها وتحليلها ومقارنتها بالمعايير القياسية عن طريق التحاليل الكيميائية المشار إليها تحت بند الكيمياء.

2-قسم الكمياء الصناعيه والتطبيقيه (يتم فيه دراسه علي الكميا الصناعيه والتطبيقيه )

الشغل ككميائيين في المصانع السابقه



3-قسم الكيميا الحيويه -قسم الكيمياء الحيويه والطبيه (يتم فيه دراسه الكيما الحيويه وخوصوا الكيما الحيويه والاكلينيكه)

تخصص الكمياء الحيويه الاكلينيكه ( السريريه ) وهو علم الكمياء المسئول عن تشخيص الامراضمثل وظائف الجسم المختلفه من كلى وكبد وقلب ودهون ومعادن
ودلالات الاورام السرطانيه وبيولوجيا السرطان وكل التحاليل الكيمائيه الموجودة في جسم الانسان

الشغل : كميائي طبي اكلينكى(دكتور تحاليل)(اخصائي تحاليل طبيه)

تخصص في التحاليل الطبيه وهو العلم الخاص ببيولوجيا السرطان ودلالات الاورام وانزيمات الكبد وانزيمات الكلي وانزيمات القلب والهرمونات واالامراض الخاصه بيهم والتحاليل الخاصه بيهم بالاضافه الي كل التحاليل الكميائيه في كل سوائل الجسم
وممكن تتخص في الماجستر في فرع منهم في في السرطان ودلالات الاورام و بيولوجيا السرطان ودلالات الاورام يوجد كشعبه من شعب الكيماء الحيوه في الماجستير والدكتوراه

واثناء الماجستير بتنزل مستشفيات وتتعاملي مع مرضي وتسحبي منهم عينات دم او بول او ايا من سوائل الجسم
ممكن بعدها تفتح معمل تحاليل طبيه خاص بتحاليل الكميا الاكلينيكه
ووممكن تحضر ماجستر ودكتوراه في التحاليل الطبيه في تخصص الكميا الاكلنيكه وممكن تبقي دكتور في في كليات العلوم او الطب سواء المصريه او الاجنبيه

4- قسم الميكروبيولوجي (يدرس بالبكتريا والفطريات والفيروسات والطحالب والمناعه)


يدرس الميكروبيولوجى الميكروبيولوجيا الاكلنيكه والميكروبيولوجيا التطبيقيه والعامه

فمثلا

مجال الميكروبيولوجيا الاكلينكيه الطبيه وهو تخصص اخر في التحاليل الطبيه

ودة بيبقي خاص بدراسه الامراض الميكروبيه سواء بكتريه او فطريه او فيروسيه والتحاليل الخاصه بيهم سواء كانت في اي منطقه من الجسم

واثناء الماجستير بتنزل المستشفي وتتعامل مع مرضي
وتاخد منهم عينات البكتريا والفطريات والفيروسات
واحيانا بتبقي رساله الماجستير في مستشفي معينه
واحيانا بتلف في كذا مستشفي علي مستوى الجمهوريه
عشان تلاقي مريض عنده المرض دة
وممكن بعدها تفتح معمل تحاليل طبيه خاص بتحاليل الامراض الميكروبيه وبيبقي اسمه ميكروبيولوجى طبي اكلنيكى ( دكتور تحاليل) (اخصائي تحاليل طبيه)
ووممكن تحضر ماجستر ودكتوراه فيها وتدرس في كليات العلوم او الطب سواء المصريه او الاجنبيه

وفيه دكاترة تحاليل من كليات العلوم في تخصص الميكروبيولوجيا الطبيه دكاترة في كليات برة في امريكا وفي اوربا بردو

.............................. ...............
و مجال الميكروبيولوجيا التطبيقه

1- زى مجال تصنيع الادويه
ودى بتشمل انتاج ادويه كتيرة جدا منها المضادات الحيويه والفيتامينات و الادويه الخاصه بالسرطان والادويه الخاصه بالجلطات والادويه الخاصه بالهضم وانتاج اللقاحات والامصال من البكتريا والفطريات المختلفه

وممكن منها تشتغل في مصانع الادويه في قسم الميكروبيولوجى

وممكن الواحد يربط بين الميكروبيولوجيا الاكلينكه الطبيه بالميكروبيولوجيا التطبيقه
يعنى يعمل رساله ماجستير في مرض وعلاجه
مثل مرض التنيا وانتاج مضادحيوى ليه
2- زى تنقيه الميه من البكتريا والفطريات

ومنها ممكن تشتغل في شركات الميه


3- زى انتاج المواد الحافظه والانزيمات

ومنها ممكن تشتغل في شركات الاغذيه


5- قسم البترول والغاز الطبيعى ( قسم خاص)


وهو موجود في بعض الكليات مثل القاهرة والاسكندريه وبور سعيد
وهو قسم خاص بفلوس بحوالي عشرة الاف جنيه في السنه

الراعي للقسم دة اكبر شركات البترول في مصر وفي اوربا ومنها شركه شلمبر
والاوائل بيتم تعينهم في شركات البترول المختلفه

الشغل : مهندس بترول شركات البترول المختلفه

6- قسم الجيولوجيا

وهو قسم يدرس طبقات الارض ويتعرض ايضا لدراسه البترول ويدرس كل ما في اعماق الارض

الشغل : جيولوجى في قطاع وزارة البترول وقطاع وزارة الري

7- قسم الجيوفزياء

وهو قسم يدرس الاعماق الارض من الناحيه الفزيائيه وهو قسم جديد في كليات العلوم وبيببقي وظيفته في مواقع حقول البترول نفسها في الكشف عن البترول وايضا في الكشف عن المياه الجيوفيه


الشغل : جيوفزيائي في شركات البترول المختلفه

8-قسم علوم الحاسب وتكنولوجيا المعلومات

وهو قسم يدرس الحاسب بكل فروعه والبرمجه وهو مثل قسم علوم الحاسب في كليه حاسبات ومعلومات
وسواء قسم علوم حاسب من كليه علوم او قسم علوم حاسب من كليه حاسبات ومعلومات فهم تابعيين لنقابه العلميين

الشغل كمبرمج في شركات الكمبيوتر المختلفه

9- قسم الرياضه والاحصاء

وهو قسم يدرس كل ما يتعلق بالرياضيات
الشغل اما يشتغل كاحصائي في الشركات المختلفه او كمدرس رياضيات


10-قسم النبات (يدرس كل ما يتعلق بالمملكه النباتيه)
ويختص بدراسه كل ما يتعلق بالنبات سواء تقسم او تشلايح او فسيولولوجى او سلوك او مورفولوجى الخ

الشغل في مراكز البحوث المختلفه


11-قسم الحيوان(يدرس كل ما يتعلق بالمملكه الحيوانيه وعلي رائسها الانسان)

يدرس كل ما يتعلق بالمملكه الحيوانيه وعلي رائسها الانسان فيدرس الفسيولوجى اي علم وظائف الاعضاء
والامبريولوجى اي علم الاجنه والهيماتولوجى اي علم امراض الدم والسيريولوجى اي علم المناعه والاناتومى اي علم التشريح والباراسيتولوجى اي علم الطفيليات

الشغل : ممكن يشتغل في التحاليل الطبيه اذا حضر دراسات عليا في الطفيليات او في الهيماتولوجى اي امراض الدم وممكن يشتغل في اطفال الانابيب اذا حضر دراسات عليا في علم الاجنه وممكن يشتغل في اي مركز من مراكز البحوث المختلفه

12-قسم الفيزيا ء-قسم الفزيا وعلوم الليزر -قسم الفزياء الالكترونيه -قسم الفزيا الحيويه
مش عندى معلومات عنه كافيه
لكن للي متاكد منه ان قسم الفزيا الالكترونيه بيشتغل في مصانع الالكترونيات
وقسم الفزيا الحيويه الطبيه بيبقي شغله علي الاشعه والاشعاعات واثرها علي الخلايا
وقسم الفزياء الاسبيشيل بيبقي شامل كل حاجة عن الفزيا


13 قسم البيوتكنولوجى

و يدرس التكنولوجيا الحيويه اي الدى ان ايه وتحاليله وكل ما يتعلق بيه
الشغل في معامل التحاليل الكبيرة للي فيها تقنيات تحاليل الدى ان ايه ومراكز البحوث المختلفه


14- قسم الكيمياء والميكروبيولوجى

وهو قسم يدرس نص مواده كمياء ونص موادة ميكروبيولوجى

وله الحق في اخد الصفتيين ككميائي او كميكروبيولوجى


15-قسم الكميا الحيوى والميكروبيولوجى


وهو قسم يدرس نص مواده كمياء حيويه ونص موادة ميكروبيولوجى

وله الحق في اخد الصفتيين ككميائي حيوى او كميكروبيولوجى



16-قسم الكمياء والحيوان
نصف مواده كميا ونص موادة علم الحيوان(فسيولوجى -مناعه -هيماتولوجى -امبريولوجى باراسيتولوجي -تشريح-تقسيم)

17-قسم الكيمياء والنبات

نصف موادة كميا ونصف موادة علم النبات